एक्स्पर्टले दियो सचेतनामुलक ट्राफिक बोर्ड

३ पुस, चितवन । चितवनको नारायणगढमा रहेको एक्स्पर्ट एजुकेशन एण्ड भिसा सर्भिसेसले जिल्ला ट्राफिक प्रहरी कार्यालय चितवनमा सचेतनामुलक ट्राफिक होर्डिङ बोर्ड सहयोग गरेको छ । 
एक्स्पर्टले उपलब्ध गराएको ट्राफिक चिन्ह अंकित सचेतनामुलक होर्डिङ बोर्ड भरतपुरको नारायणी नमुना उच्च माविमा राखिएको छ । विद्यालयमा एक कार्यक्रमकाबीच एक्स्पर्ट नारायणगढका निर्देशक डिल्लीराम अधिकारीले जिल्ला ट्राफिक प्रहरी कार्यालयका प्रमुख प्रहरी निरीक्षक सन्तोष पन्तलाई हस्तान्तरण गरेका थिए । 
एक्सपर्टले ट्राफिक प्रहरीलाई करिव ३ लाख रुपैयाँ बराबरको होर्डिङ बोर्ड र ट्राफिक व्यवस्थापनका लागि ड्रम हस्तान्तरण गरिएको अधिकारीले जानकारी दिए । निर्देशक अधिकारीले विद्यालयस्तरबाटै ट्राफिक शिक्षा दिन सकिए दुर्घटना न्यूनीकरण हुन सक्ने बताउँदै यसलाई मध्येनजर गर्दै ट्राफिक प्रहरीले सहयोग गरेको बताए । कार्यक्रममा बोल्दै ट्राफिक प्रमुख प्रहरी निरीक्षक सन्तोष पन्तले विद्यार्थीहरुलाई  ट्राफिक चिन्ह जानी राखे विश्वका जुनसुकै कुनामा पनि जाँदा काम लाग्ने भएकाले ध्यान दिएर सिक्न आग्रह गरे । 
कार्यक्रममा विद्यालयका प्राचार्य पूर्णप्रसाद दवाडी, विद्यालयका सल्लाहकार समितिका संयोजक ईश्वरी पौडेललगायतले मन्तव्य व्यक्त गरेका थिए । ट्राफिक प्रहरीलाई प्रदान गरिएको बोर्ड जिल्लाका विभिन्न विद्यालयहरुमा टाँगिने छ ।
(पत्रकार राजु चौधरीको सहयोगमा)