मेलान मकवानपुरको अध्यक्षमा पुनः चौलागाई

६ पुस, हेटौंडा । मेडिकल ल्यावरेटोरी एशोसियसन अफ नेपाल (मेलान) मकवानपुरको अध्यक्षमा पुनः उत्सव चौलागाई चयन भएका छन् । 
मेलानको हेटौँडामा विहिबार सम्पन्न चौथो जिल्ला अधिवेशनबाट चौलागाईको अध्यक्षतामा १५ सदस्यीय नयाँ कार्यसमिति सर्वसम्मत चयन गरेको हो । मेलाको उपाध्यक्षमा राजकुमार इटेनी, सचिव सिन्दप निर्मल, कोषाध्यक्ष सुवास श्रेष्ठ र सहसचिवमा मधु अर्याल रहेका छन् । मेलानका केन्द्रीय महासचिव राजेन्द्र खड्काको प्रमुख आतिथ्यता एवं अध्यक्ष चौलागाईको सभाध्यक्षतामा कार्यक्रम भएको हो । 
कार्यक्रममा हेटौँडा उपमहानगरपालिकाका उपप्रमुख मिना लामा, मेलनका केन्द्रीय कोषाध्यक्ष रेशम अधिकारी, सचिवालय सदस्य भुपनाराण यादव, नेपाल औषधी व्यवसायी संघ मकवानपुरका अध्यक्ष सुधिर दाहाल, नेपाल पत्रकार महासंघ मकवानपुरका सचिव गणेशदर्पण अधिकारी, हेटौँडा अस्पतालका निमित्त मेडिकल सुपरिटेण्डेन्ट राजु सेढाई, मकवानपुर टेक्निकल इन्स्टिच्युटका प्रमुख चन्द्रशेखर पण्डित, राष्टिय स्वास्थ्यकर्मी संघका केन्द्रीय सदस्य लक्ष्मण दाहाल लगायतले मन्तव्य व्यक्त गरेका थिए । कार्यक्रममा मेलानमा आवद्ध एक सय जना भन्दा बढि ल्यावमा आवद्ध प्राविधिकहरुको सहभागिता रहेको थियो ।