ज्ञानोदयका विद्यार्थीलाई रबिकिरणको मोटिभेसन क्लास

१३ असोज, हेटौंडा । हेटौँडा उपमहानगरपालिका वडा नम्बर २ मा रहेको ज्ञानोदय बालबाटिका एकेडेमिका बिद्यार्थीहरुलाई चर्चित मोटिभेस्नल स्पीकर रवि किरण श्रेष्ठले मोटिभेशन प्रशिक्षण गराएका छन् ।
विद्यालयले आयोजना गरेको प्रशिक्षण कार्यक्रममा मोटिभेस्नल स्पीकर रवि किरणले कक्षा ४ देखि १० सम्मका विद्यार्थीहरुलाई मोटिभेशन गराएका थिए । उनले बिद्यार्थीहरुलाई सबभन्दा पहिला आफुलाई चिन्न आग्रह गरेका थिए । 
यस्तै मोटिभेस्नल स्पीकर रवि किरणले बालबालिकाहरुको जिवनमा प्रभाव पार्ने सबभन्दा नजिकका आमाबुबा, शिक्षकशिक्षिका र साथीको बारेका प्रशिक्षण गराएका थिए । उनले मानिसका जिवनमा आमाबुबा, शिक्षकशिक्षिका र साथीको भूमिका के हुन्छ? र यीनिहरुलाई कसरी जिवनमा उतार्नुपर्छ भन्ने बारेमा सहजिकरण गरेका थिए ।
पछिल्लो समय समाजमा विभिन्न खाले सामाजिक समस्याका घटनाहरु भइरहेको र त्यस्ता घटनका कारण विद्यार्थीहरुको बृद्धि विकासमा अप्रत्यक्ष वा अप्रत्यक्ष रुपमा नकरात्मक प्रभाव परिरहेकोले कार्यक्रमको आयोजना गरिएको विद्यालयले जनाएको छ । 
विद्यालयका संस्थापक प्राचार्य बिन्दु गोपल गोर्खालीले आफ्नो विद्यालयमा पढ्ने बालबालिकाहरुमा मोटिभेशन क्लासले सकरात्मक परिवर्तन आवस र केहि राम्रो गर्न प्रेरणा मिलोस भन्ने उद्देश्यले कार्यक्रमको आयोजना गरेको बताए ।
विद्यालयकी शिक्षिका शोभा गुरुङ र छात्रा अपर्ण सुवेदीले सहजिकरण गरेको कार्यक्रममा विद्यालयका संस्थापक गिरीबहादुर सुवेदी, विद्यालय व्यवस्थापन समितिका केन्द्रगेविन्द जोशी, नेपाल च्याम्बर अफ कमर्स मकवानपुरका अध्यक्ष माधाव न्यौपाने, बिद्यालयका संचालक संजय सुबेदी लगाएतको उपस्थिति रहेकोे थियो ।