प्रदेशसभा बैठक अनिश्चितकाल स्थगित

file photo

१८ असोज, हेटौंडा । बागमती प्रदेशसभाको बैठक अनिश्चित कालका लागी स्थगित भएको छ । बुधबार पाँच मिनेटका लागी बसेको बैठकले एउटा विधेयक दफावार छलफलका लागी समितिमा पठाउँने अनुमित दिएसँगै अनिश्चितकाका लागी स्थगित गरिएको हो । 
प्रदेशसभाका सभामुख भुवनकुमार पाठकले अर्को सूचना जारी नभएसम्मका लागि बैठक स्थगित गरेको जानकारी गराएका हुन् । यसअघि बुधबारको बैठकले ‘प्रदेश सरकारी कामकाजी भाषा सम्बन्धमा व्यवस्था गर्न बनेको विधेयक’लाई दफावार छलफलका लागि समितिमा पठाउने प्रस्ताव सर्वसम्मतीले स्वीकृत गरेको थियो ।
सदनमा संस्कृति पर्यटन तथा सहकारी मन्त्री पुकार महर्जनले पेश गरेको उक्त विधेयकलाई दफावार छलफलका लागि उद्योग पर्यटन तथा वातावरण समितिमा दवावार छलफलका पठाइएको छ । उक्त विधेयकमाथि समितिमा दफावार छलफल तथा आवस्यक संशोधनसहित पारित गरेर प्रतिवेदन सहित पुनः सदनमा पेश गरिने छ । 
यसअघि पटकपटक अवरुद्ध हुँदै आएको प्रदेशसभा बैठक बुधबार भने सञ्चालनमा भएको थियो । प्रदेशसभाको बैठकमा सरकारले चिठ्ठा सम्बन्धि विवादित विधेयक पेश गर्ने प्रयास गरेपछि सोमबारदेखि सदन चल्न सकेको थिएन । 
्रदेश प्रमुख कार्यालयबाट पुनर्विचारका लागि फिर्ता भएको विवादित चिठ्ठा विधेयक विना सूचना सदनमा पेश गर्न खोजेको भन्दै  प्रमुख प्रतिपक्ष दल एमालेका सांसदहरुले सदनमा अबरोध गरेका थिए ।