नाइट्रोभेट र गाजा सहित ४ पक्राउ

१२ पुस, हेटौँडा । मकवानपुर प्रहरीले हेटौँडाको छुट्टा छुट्टै स्थानबाट लागु औषध सहित ४ जनालाई पक्राउ गरेको छ ।

ईलाका प्रहरी कार्यालय पशुपतिनगरबाट खटिएको प्रहरी टोलीले  हेटौँडा  १५ स्थित रातोमाटे चेकपोष्टमा बिरगंज बाट हेटौडा तर्फ आउदै गरेको ना १ ज ५१०९ नम्वरको माईक्रोलाई  चेक जाँच गर्दा  माईक्रोमा सवार  चितवन खैरेनी नगरपालिका वडा नम्बर  ९ का  १७ बर्षया हिटलर चौधरी र खैरेनी १२ बस्ने  १७ बर्षया  अभय चौधरीलाई लागू औषध नाईट्रोभेट ७५ ट्याब्लेट सहित पक्राउ गरीएको जिल्ला प्रहरी कार्यालय मकवानपुरका डिएसपी दिलिप राज झाले जानकारी दिए ।
 त्यसैगरी  ईलाका प्रहरी कार्यालय पशुपतिनगरबाटै  खटिएको प्रहरी टोलीले जिल्ला हेटौँडा  १७ मा  नारायणगढ बाट गाईघाट तर्फ जादै गरेको ना ६ ख २३०४ नम्बरको यात्रु बाहक  चेक जाँच गर्ने क्रममा  बसमा सवार  मकवानपुर मनहरी गाउँपालिका वडा नम्बर ६ बस्ने  १९ बर्षाया  सुमन जिम्बा र  मनहरी ६ नै बस्ने  १६  बर्षया कबिराज थिंङलाई रातो रङको प्लाष्टिकमा लुकाई छिपाई ल्याएको अबैध ६ किलो ५०० ग्राम  लागू औषध गाँजासहित पक्राउ गरीएको छ । पक्राउ परेका सबैलाई  औषध ऐन २०३३ बमोजिम ५ दिन म्याद थप गरी आवश्यक अनुसन्धान भईरहेको डिएसपी  झाले बताए ।