पाकिस्तानमाथि अफगानिस्तानको ऐतिहासिक जित

७ कार्तिक, हेटौंडा । आईसीसी विश्वकप क्रिकेटमा अफगानिस्तानले पाकिस्तानलाई हराएको छ । सोमबार भएको खेलमा अफगानिस्तानले पाकिस्तानमाथि ८ विकेटको ऐतिहासिक जित दर्ता गराएको हो । 
बाबर आजम नेतृत्वको पाकिस्तानले २ सय ८३ रनको लक्ष्य प्रस्तुत गरेको थियो । जवाफी ब्याटिङ गरेको अफगानिस्तानले मात्र २ विकेट गुमाएर लक्ष्य पुरा गर्यो । 
सुरुआतमा रहमानुल्लाह गुरबाज र इब्राहिम जादरानले शतकीय इनिङ्स खेल्दै अफगानिस्तानलाई शानदार सुरुआत दिलाएका थिए । जादरानले १ सय १३ लमा ८७ र गरबाजले ५३ बलमा ६५ रनको इनिङ्स खेलेका थिए । त्यसपछि रहमत साह र कप्तान हशमतुल्लाह शाहिदी मिलेर अफगास्तिानको मोर्चा सम्हालेका थिए । 
रहमत ८४ बलमा अविजित ७७ र साहिदी ४५ बलमा अविजित ४८ रन बनाए । पाकिस्तानका लागि कोही पनि बलरले अफगानिस्तानमाथि दबाब बनाउन सकेनन् । साहीन साह अफ्रिदी र हसन अलीले समान एक एक विकेट लिएका थिए । 
एक दिवसीय क्रिकेटमा अफगानिस्तानले पहिलो पटक पाकिस्तानलाई हराएको हो । अहिलेसम्म भएका ८ खेलमा पाकिस्तानले ८ म्याच जितेको थिया । 
बाबर आजम फर्ममा फर्कदा ९२ बलमा ७४ रन बनाएका थिए । यस्तै अब्दुल्ला सफिकले ५८ रन बनाएका थिए । अन्तिममा सादाब खानले ४० तथा इफ्तिखार अहमदले ४० रनको इनिङ्स खेलेका थिए । अफगानिस्तानका लागि १८ वर्षका स्पिनर नुर अहमदले सबैभन्दा धेरै ३ विकेट लिएका थिए । नविल उल हकले २ तथा मोहमद नबी र अजमतुल्लाह उमरजईले समान एक एक विकेट हात पारेका थिए । 
पाकिस्तानले यस विश्वकपका खेलेको ४ खेलमा दुईमा जित र दुईमा बराबरीको नतिजा निकालेको छ । बाबर आजम नेतृत्वको टिमले पछिल्लो दुई खेलमा हार ब्यहोरेको छ । सेमिफाइनलमा स्थान बनाउन उसले बाँकी ५ खेलमध्य कम्तिमा ४ खेलमा जित हासिल गर्न आवश्यक छ ।।