सुनौलो आयआर्जनको साधारणसभा

१५ पुस, हेटौँडा । हेटौडा–६,चौघडामा रहेको सुनौलो आयआर्जन महिला समूहको नवौं वार्षिक साधारण सभा शनिवार सम्पन्न भएको छ । साधारण सभामा समूहकी सचिव विन्दु राईले प्रगति तथा २० लाख ३६ हजार रुपैयाँको आर्थिक प्रतिवेदन प्रस्तुत गरेकी थिईन । 
 कार्यक्रममा समूहको हिसावकिताव पारदर्शी ढंगवाट राखी समूहको काममा महत्वपूर्ण सहयोग पुरयाए वापत रानी सामुदायिक वन उपभोक्ता समूहका कार्यालय सचिव भीमसेन पौडेललाई सम्मान गरिएको थियो । 
रानी सामुदायिक वन उपभोक्ता समूहका अध्यक्ष कृष्णबहादुर विडारीको प्रमुख आतिथ्यता एवम सुनौलो आयआर्जन महिला समूहकी अध्यक्ष पवित्रा रुम्वाको अध्यक्षतामा साधारणसभा भएको थियो । साधारणसभामा चुच्चेखोला सामुदायिक वनका अध्यक्ष अर्जुनप्रसाद दाहाल, न्यूरेनी चिसापानी सामुदायिक वनकी सचिव शान्ति तिमल्सिना,लगनशिल आयआर्जन महिला समूहकी अध्यक्ष जोगमाया राई,उन्नती आयआर्जन महिला समूहकी अध्यक्ष विमलाकुमार िदंगाल लगायतकाले मन्तव्य व्यक्त गरेका थिए ।
२०६५ सालमा स्थापना गरिएको यो समूहमा हाल १९ जना महिला सदस्यहरु रहेका छन  योे समूह रानी सामुदायिक वन उपभोक्ता समूहले स्थापना गरेको हो । समूहमा गरिव,दलित तथा जनजाती महिलाहरु आवद्ध छन भने समूहले यस किसिमको ४ वटा समूह संचालन गरेको समूहकी सचिव नानीमाया रुम्वाले बताईन ।