नेतासंग बकैयामा लालपुर्जा माग

१७ पुस, हेटौडा । बकैया गाउँपालिका वडा न.२ का नागरिकले प्रतिनिधि सभा र प्रदेश सभा सदस्यहरुसँग आफूहरुको पहिलो माग लालपूर्जा भएको भन्दै लालपूर्जा दिलाइदिन आग्रह गरेका छन्। मंसीर २१ गते भएको निर्वाचनबाट निर्वाचित प्रतिनिधिहरुको स्वागत तथा विजयसभमा उनीहरुले सो आग्रह गरेका हुन् । 
    क्षेत्र नम्बर १ प्रतिनिधि सभाका सदस्य कृष्ण प्रसाद दाहालको प्रमुख आतिथ्यतामा भएको कार्यक्रममा विशेष अतिथि क्षेत्र नम्बर १ प्रदेश (क) का प्रदेशसभा सदस्य प्रेम बहादुर पुलामी रहेका थिए । कार्यक्रममा प्रमुख अतिथि दाहालले आफूलाई लोकतन्त्रको हिमायती सम्झिने कांग्रेसले सत्ताको लोभ त्याग्न नसकेको बताए । सभालाई सम्बोधन गर्ने क्रममा पुलामीले चुनाव अघि घोषणा गरेका विकास निर्माणका प्रतिबद्धताहरु पुरा गर्ने प्रतिबद्धता व्यक्त गरे ।
नेकपा एमालेका नेता बुद्ध लामाको अध्यक्षतामा भएको कार्यक्रममा नेकपा माओवादी केन्द्र मकवानपुरका सचिवालय सदस्यहरु कमान सिं पाख्रिन, विवेक राई, लोकनाथ गौतम, जिल्ला सदस्य सन्तविर लो, एमालेका जिल्ला सदस्य कृष्ण प्रसाद चौलागाई लगायतको सहभागिता रहेको थियो । स्वागत कार्यक्रम सोही गाउँपालिकाको च्याउ–च्याउ, सोवी, हात्तीसुढे, हिरामनी लगायतका स्थानमा पनि सम्पन्न भएका छन् ।