सहिद दिवसको अवसरमा सिद्धार्थ माविमा वक्तृत्वकला

१६ माघ, हेटौंडा। हेटौंडा २ मा रहेको सिद्धार्थ माविले  शहिद दिवसको मनाएको छ। सहिद दिवस मनाउन बागमती प्रदेश शिक्षा विकास निर्देशनालयको परिपत्र अनुसार विद्यालयले वक्तृत्वकला प्रतियोगिताको आयोजना गरी शहीद दिवस मनाएको हो।

राष्ट्रिय दिवस शहीद दिवसको अवसरमा लोकतन्त्र प्राप्तिको लागि सहिदहरुको भूमिका विषयक वक्तृत्वकला प्रतियोगिताको आयोजना गरिएको विद्यालयका अतिरिक्त क्रियाकलाप तथा कार्यक्रम संयोजक टिका प्रसाद दाहालले बताएका छन्। प्रतियोगितामा अङ्ग्रेजी माध्यम कक्षा १० मा अध्यनरत छात्रा प्रतिक्षा पराजुली प्रथम, सोही कक्षामा अध्ययनरत छात्रा रस्मिता आले मगर द्वितीय, कक्षा १० की पुजा संजेल तृतीय र कक्षा १० की छात्रा भावना घिमिरे सान्त्वना भएकी छिन्।

विद्यालयका प्रधानाध्यापक मोहनप्रसाद शर्माको सभाध्यक्षता सम्पन्न कार्यक्रममा विद्यालयका सहायक प्रअ सागर प्रसाद खतिवडा, खुल्ला विद्यालय संयोजक खेमराज लामिछाने र कक्षा ११/१२ संयोजक गणेश प्रसाद हुमागाई र मा वि संयोजक प्रमानन्द सरोज कर्ण लगायतले विजयी प्रतियोगीलाई पुरस्कार वितरण गरेका थिए। प्रतियोगितामा सुशिला चौलागाईं, सुनिल शिवाकोटी र सृजना शर्मा निर्णायक रहेका थिए।