श्रेष्ठ र पराजुली बिच कडा प्रतिस्पर्धा (मतसहित)

फोटोः सुनिल शिवाकोटी प्रस्ट खबर

२८ पुस, हेटौँडा । यातायात व्यवसायीको ठुलो छाता संगठन नारायणी यातायात व्यवसायी संघको बिहीबार सम्पन्न निर्वाचनको मतगणना जारी छ । गए रातीबाट सुरुभएको मतगणनाको परिणाम सार्वजनिक भईरहेको छ ।  

बिहान ८ः३० सम्म ६ सय मतगणना भईसकेको छ ।  ६ सय मतगणना भईसक्दा  अध्यक्ष पदमा  हिरालाल श्रेष्ठ र गोकर्ण पराजुलीबिच कडा प्रतिस्पर्धा देखिएको छ । ६ सय मतगणना हुदा  श्रेष्ठले ३२८ मत  र   पराजुलीको २६२ मत प्राप्त गरेका छन । यस मतपरिणमले  श्रेष्ठ पराजुलीभन्दा ६६ मतले अगाडि रहेका छन् । त्यस्तै वरिष्ठ उपाध्यक्षमा किरण कटुवालले ३३८ मत र सुबास पौडेलले २३९ मत प्राप्त गरेका छन् । कटुवाल पौडेलभन्दा ९९ मतले अगाडि रहेका छन् । त्यसैगरी  हेटौँडा उपाध्यक्षमा   विष्णु बिडारीले ३५५ मत र दिपक सिवाकोटीले २१७ मत प्राप्त गरेका छन् ।  बिडारी सिवाकोटी भन्दा १३८ मतले अगाडि रहेका छन् ।

त्यसैगरी महासचिव पदमा  वर्तमान महासचिव  रहेका सरोजकुमार खनालले  ३८८ मत र ध्रुवप्रसाद बिडारीको १९० मत प्राप्त गरेका  छन । महासचिव पदको मतपरिणम हेर्दा खनाल बिडारीभन्दा १९८ मतले अगाडि रेका छन् । त्यस्तै कोषाध्यक्षमा  किरण पौडेलको २३३ मत र राजेश खड्गीको ३४८ मत प्राप्त गरेका  छन ।   पौडेल भन्दा  खड्गी ११५ मतले अगाडि रहेका छन् ।
जम्मा २४८३ मत खसेको निर्वाचनमा २८ सदस्यहरु पदका लागी हिरालाल श्रेष्ठ र गोकर्ण पराजुलीका प्यानल चुनावी मैदानमा रहेका छन  । श्रेष्ठ संघका  पुर्व अध्यक्ष हुन भने पराजुली पुर्व अध्यक्ष  सहित हेटौँडा ११का वडाध्यक्ष हुन ।