आधारभूत तहको विज्ञान हाजिरी जवाफ कार्यक्रम सम्पन्न

२० फागुन, हेटौंडा । विज्ञान शिक्षक समाज मकवानपुरको आयोजनामा आधारभूत तहस्तरीय विज्ञान हाजिरी जवाफ कार्यक्रम शनिवार हेटौंडा ८ स्थित चन्द्रोदय माविमा सम्पन्न भएको छ  ।
हेटौंडा ८ नम्बर वडा कार्यलयको सहकार्यमा भएको प्रतियोगितामा जिल्लाका २८ वटा विद्यालयहरुले सहभागिता जनाएका थिए । पालिकागत तिनओटा क्लस्टर बनाइ सम्पन्न भएको प्रतियोगितामा भुटनदेवी मावि, हेटौंडा ४; कालिका मावि, कैलाश ९ र युवावर्ष गंगा आवि, मनहरि ९ उत्कृष्ट भएका छन् ।
स्ट्यान जिल्ला अध्यक्ष खेमराज लामिछानेको सभाध्यक्षतामा भएको कार्यक्रममा ८ नम्बर वडा अध्यक्ष रामकृष्ण थापाको प्रमुख आतित्थ्यात रहेको थियो । यस्तै कार्यक्रममा हेटौँडा उपमहानगर शिक्षा विकास महाशाखा प्रमुख हरिचन्द्र सापकोटा र विद्यालयका प्रधानध्यापक जिधराज ढकालको विशिष्ट आतित्थ्यता रहेको थियो ।
जिल्ला सचिव सुवास खनालले सहजिकरण एवं उपाध्यक्ष भरत पोख्रेलले स्वागत गरेको कार्यक्रममा चन्द्रोदय मावि विव्यस सदस्य रामप्रसाद देवकोटा, स्ट्यान प्रदेश सदस्य मनिल कर्ण, नगर अध्यक्ष भुपेन्द्र यादव, नगर सचिव सुदर्शन पौडेल, नगर सल्लाहकार कुमार रुम्बा, नगर कोषाध्यक्ष रविन्द्र राउत, नगर सदस्य ईश्वर रिजाल, शिक्षकहरू अर्चना दहाल, विशाल अधिकारी, रामचन्द्र पौडेल, सविन दहाल लगायतको सहभागिता रहेको थियो ।