हेटौंडा भेट्रान्स आजबाट

२२ फागुन, हेटौंडा । नवौं राष्ट्रिय हेटौंडा भेट्रान्स कप एट ए साईड रनिङ शिल्ड फुटबल प्रतियोगिता आज मंगलबारदेखि सुरु हुँदैछ । हेटौंडा भेट्रान्स क्लबको आयोजनामा हुने प्रतियोगितामा १८ वटा क्लबहरुले सहभागिता जनाउने छन् ।
प्रतियोगिता हेटौंडा उपमहानगरपालिका वडा नम्बर ५ मा रहेको पिप्ले क्याम्पा रंगशालामा हुने क्लबका क्लबका सचिव कबिन सांगामीे जानकारी दिए । आज बिहान ९ बजेदेखि सुरु हुने प्रतियोगिताको सम्पूर्ण तयारी पुरा भएको उनको भनाई छ ।
खेलको औपचारिक उद्घाटन भने दिउँसो २ बजे हेटौंडा उपमहानगरपालिकाका उपमेयर राजेश बानियाँले कार्यक्रम रहेको छ । स्वास्थ्यको लागि खेलकुद भन्ने नाराका साथ हुन लागेको प्रतियोगितामा ४५ वर्ष उमेर माथिका पुर्व खेलाडीहरुको सहभागीता रहने रहने छ ।
प्रतियोगिताको पहिलो दिन मंगलबार ५ खेल हुने आयोजकले जनाएको छ । पहिलो खेल बिहान ९ बजे नागस्वती भेट्रान्स हेटौंडा र बौद्ध भेट्रान्स काठमाडौं बीच हुनेछ ।  यस्तै दोश्रो खेल अभिषेक चर्च र बानेश्वर फ्रेन्स भेट्रान्सबीच हुनेछ भने तेश्रो खेल थारू भेट्रान्स र पशुपति भेट्रान्स हेटौंडाबीच हुनेछ 
यस्तै प्रतियोगिता अन्तर्गत मंगलबार हुने चौथो खेल चितवन भेट्रान्स र सिमरा भेट्रान्सबीच हुनेछ भने अन्तिम अर्थात पाँचौ खेल दिउँसो २ बजे हेटौडा भेट्रान्स बि र एन जे.जे वाई सि सिमराबीच हुने आयोजकले जनाएको छ । प्रतियोगिताको विजेताले १ लाख ११ हजार १ सय ११ रुपैयाँ र उपविजेतले ५० हजार ५ सय ५५ रुपैयाँ प्राप्त गर्ने छन् ।
२६ गतेसम्म चल्ने प्रतियोगितामा करीब १४ लाख रुपैया खर्च लाग्ने अनुमान गरिएको छ । प्रतियोगिता संचालनको लागि हेटौंडा उपमहानगरपालिकाबाट चार लाख र हेटौंडा स्कुल अफ म्यानेज्मेन्टबाट एक लाख रुपैयाँ सहयोग प्राप्त भएको र अन्य रकम भने आन्तरीक रुपमा व्यवस्थापन गर्न लागिएको सचिव सांगामीले बताए ।