बुढ्यौलीमा पुनः आरसी रिजाल

२६ फागुन, हेटौंडा । बुढ्यौली साहित्य समाज मकवानपुरको अध्यक्षमा पुनः आरसी रिजाल चयन भएका छन् । शुक्रबार भएको समाजको दोस्रो अधिवेशनबाट रिजालको अध्यक्षतामा नयाँ कार्यसमिति चयन भएको हो ।
समाजको उपाध्यक्षमा राजकुमार लामिछाने, सचिव सुवास खनाल, सहसचिव जनार्दन खनाल, कोषाध्यक्ष अनिता न्यौपाने तथा सदस्यमा सुदर्शन अधिकारी र रमेशमोहन अधिकारी चयन भएका छन् ।
यसअघि अधिवेशनको अवसरमा पारेर बुढ्यौली साहित्य समाज मकवानपुरले शुक्रबारै मकवानपुरे कवि माधव भण्डारी ‘रश्मी’ र प्रा.डा.मुकेशकुमार चालिसेलाई सम्मान गरेको छ । 
कार्यक्रममा भण्डारीले सम्मान वापतको रकम १० हजार रुपैयाँ र  व्यक्तिगत १० हजार रुपैयाँ गरी २० हजार बुढ्यौली साहित्य समाज मकवानपुरका अध्यक्ष आरसी रिजाललाई हस्तान्तरण गरेका थिए ।  
बुढ्यौली साहित्य समाज मकवानपुरले स्थापना गरेको अक्षयकोषको लागि स्वर्गीय तुलसी थापाको परिवारबाट थप १ लाख ७० हजार रुपैयाँ सहयोग भएको छ । कोषको लागि चन्द्रकिरण श्रेष्ठले ५ हजार, सिताराम बर्तौलाले ३ हजार र मधु ढुङ्गानाले २ हजार १ रुपैयाँ सहयोग गरेका छन् । 
बुढ्यौली साहित्य समाजले स्थापना गरेको कोषमा विभिन्न व्यक्ति तथा संघसंस्थाको सहयोगबाट १४ लाख रुपैयाँ संकलन भइसकेको अध्यक्ष रिजालले जानकारी दिए ।