सुदुरपश्चिम र आर्मी हक्कीको सेमिफाइनलमा

२ माघ, हेटौँडा । नेपाल हक्कि संघको आयोजनामा हेटौँडामा जारी १७ औं राष्ट्रिय पुरुष तथा दोस्रो महिला हक्की प्रतियोगितामा मंगलबार ४ खेल भएका छन् ।

बन विज्ञान अध्ययन संस्थानको चौरमा भएको पहिलो पुरुषतर्फको खेलमा सुदरपश्चिममाञ्चल विजयी भएको छ । सुदुरपश्चिमले पश्चिमाञ्चललाई २–० गोलले पराजित गरेको हो । सुदुरपश्चिमका लागि दिपकराज जोशी र राजेश विष्टले गोल गरेका छन् ।  दुई खेल जितेको सुदुरपश्चिमाञ्चल सेमीफाइनल पुगेको छ । 

त्यस्तै, नेपाल अर्मी र मध्यपश्चिमाञ्चलको खेलमा आर्मी विजयी भएको छ । आर्मीले ४–० गोलले मध्यपश्चिमलाई पराजित गरेको हो । आर्मीका लागि देवसिं धामी र दिपेन्द्र ऐरले २÷२ गोल गरेका थिए । दुई खेलमा जित हासिल गरेको आर्मी पनि सेमीफाइनलमा प्रवेश गरेको छ । 

महिलातर्फको खेलमा नेपाल आर्मी र पूर्वाञ्चल बीच प्रतिष्पर्धा भएको थियो । नेपाल आर्मीले ६–० को गोल नतिजामा खेल आफ्नो पक्षमा पारेको छ । आर्मीका लागि सितामाया बलले ४, टंकमाया खपांगीले १ र पिंकी सिञ्जालीले १ गोल गरेकी छिन् । सुदुरपश्चिमाञ्चल र पश्चिमाञ्चलबीचको खेलमा पश्चिमाञ्चल १–० गोलले विजयी भएको छ ।  पश्चिमाञ्चलका लागि विजयी गोल मधुकुमारी सर्राले गरेकी थिईन् ।

राष्ट्रिय खेलकुद परिषद च्यापिन्यनसिप अन्तरगतको प्रतियोगितामा महिला र पुरुष गरी ११ टिमको सहभागिता रहेको छ ।