आईपिएल: लखनउद्वारा चेन्नईमाथि ६ विकेटको जित हासिल

१२ बैशाख, हेटौंडा । इन्डियन प्रिमियर लिग (आईपिएल) अन्तर्गत गएराति भएको खेलमा लखनउ सुपर जायन्ट्सले चेन्नई सुपर किंग्समाथि ६ विकेटको जित हासिल गरेको छ ।
टस हारेर ब्याटिङ गरेको चेन्नईले दिएको २११ रनको लक्ष्य लखनउले ३ बल बाँकी हुँदा चार विकेटको क्षतिमा २१३ रन बनाएर पूरा गरेको हो।
लखनउको जितका लागि मार्कस स्टोनिसले नटआउट शतकीय पारी खेले। उनले सर्वाधिक १२४ रन बनाएल। लखनउका लागि निकोलस पुरन ३४, कप्तान केएल राहुल १६ र देवदत्त पडिक्कल १३ रनमा आउट हुँदा दीपक हुड्डा १७ रनमा नटआउट रहे।
चेन्नईका माथिशा पाथिरानाले २ विकेट हात पार्दा दीपक चाहर र मुस्तिफिजुर रहमानले १/१ विकेट मात्र लिए।
पहिला ब्याटिङ गरेको चेन्नईले निर्धारित २० ‌ओभरमा ४ विकेट गुमाउँदै २१० रन बनाएको थियो । चेन्नईका कप्तान ऋतुराज गायकवाडले नटआउट सर्वाधिक १०८ रन बनाएका थिए । चेन्नईका लागि शिवम दुबे ६६, रविन्द्र जडेजा १७ र डेरिल मिचेल ११ रनमा आउट हुँदा एक बल खेलेका महेन्द्रसिंह धोनी ४ रनमा नटआउट रहे।
चेन्नईलाई सस्तैमा समेट्न लखनउका म्याट हेनरी, मोहसिन खान र यस ठाकुरले १/१ विकेट हात पारे।
बुधबार दिल्ली क्यापिटल्स र गुजरात टाइटनको प्रतिस्पर्धा हुँदैछ ।