बस्तीपुर जेसीज हाँडीखोलामा बर्तौला 

५ माघ, हेटौँडा । बस्तीपुर जेसीज हाँडीखोलाको बर्ष सन् २०१८ को अध्यक्षमा राममणि बर्तौला चयन भएका छन् । शुक्रबार बस्तीपुरमा भएको सातौं साधारणसभाले बर्तौलालाई सर्वसम्मत रुपमा अध्यक्षमा चयन गरेको हो ।

यस्तै कार्यकारिणि उपाध्यक्षमा ज्योतिराज लुइँटेल र रमिला घलान तथा उपाध्यक्षमा रुपेश के.सी, सञ्जीव पाठक, सन्तोष उप्रेती र प्रमोद अधिकारी चयन भएका छन् । अध्यक्षमा एकजनाको मात्रै उम्मेदवारी परेको थियो । कार्यकारिणि उपाध्यक्षमा ५ जनाको उम्मेदवारी परेकोमा पछि सहमति भएको हो । अध्यक्षमा चयन भएका बर्तौलाले जिल्लामा रहेका अन्य शाखासंगै नेपाल जेसीजसंगको समन्वयमा युवाहरुको नेतृत्व र व्यक्तित्व विकास एवम् सामाजिक हितमा काम गर्ने बताए । बस्तीपुर जेसीजका अध्यक्ष पुस्कल न्यौपानेको अध्यक्षता एवम् संस्थापक अध्यक्ष गणेशप्रसाद भेटवालको अध्यक्षतामा भएको साधारणसभामा नेपाल जेसीजका पूर्व राष्ट्रिय कार्यकारिणि उपाध्यक्ष अञ्जनीकुमार पराजुली, बस्तीपुर जेसीजका पूर्व अध्यक्ष दीपेन्द्रकुमार बर्तौला, सल्लाहकार भरत पराजुली, निर्वाचन आयुक्त विनोदकुमार बर्तौला, बर्ष सन् २०१७ का कार्यकारिणि उपाध्यक्ष जयराम सुवेदीलगायतले मन्तव्य व्यक्त गरेका थिए