हेटौँडा राजधानी भएकोमा दीप प्रज्वलन

९ माघ , हेटौंडा । ट्रेड युनियन काँग्रेस  संग आबद्ध नेपाल निर्माण तथा सम्बद्ध श्रमिक संघ (काउन) मकवानपुरको आयोजनामा मंगलबार साँझ ३ नम्बर प्रदेशको राजधानी हेटौंडा बनेको खुशियालीमा हेटौंडा ४ मा दीप प्रज्वलन गरिएको छ ।
काउनका अध्यक्ष खलिल मियाँको सभाध्यक्षता एवं काँग्रेस मकवानपुरका सभापति, पूर्व गृहराज्यमन्त्री एवं ३ नम्बर प्रदेशका प्रदेशसभा सदस्य ईन्द्रबहादुर बानियाँको प्रमूख आथित्यतामा दीप प्रज्वलन गरिएको हो ।
दीप प्रज्वलन कार्यक्रममा बोल्दै बानियाँले हाम्रो विशेष पहललाई स्वीकार्दै काँग्रेसका केन्द्रीय सभापति एवं प्रधानमन्त्री शेरबहादुर देउवाले हेटौंडा अस्थायी राजधानी बनेको भन्दै अब स्थायी बनाउन सबै राजनीतिक  लाग्नुपर्नेमा जोड दिए ।
दीप प्रज्वलन कार्यक्रममा काँग्रेस मकवानपुरका निवर्तमान सभापति रघुरमण न्यौपाने, सचिव आनन्द कठायत, प्रवक्ता प्रदिप कोईराला, महासमिति सदस्य भरत पराजुली, नगर सभापति आनन्दराम पराजुली, तरुण दल जिल्ला अध्यक्ष ईश्वर पाठक, ट्रेड युनियन काँग्रेसका अध्यक्ष कुमार पौडेल, रुस्तम आलम लगायतका नेता कार्यकर्ता, काउनसंग आवद्धता रहेका निर्माण तथा श्रमिकहरुको उपस्थिति रहेको थियो ।