नेपाली क्रिकेट टोली क्यानाडासंग पराजित

फाइल तस्विर

१५ जेठ, हेटौंडा । टी-२० विश्वकप खेल्न अमेरिकामा रहेको नेपाली क्रिकेट टोली क्यानाडासंग पराजित भएको छ । पहिलो औपचारिक अभ्यास खेलमा नेपाल क्यानडासँग ६३ रनले पराजित भएको हो ।
सोमबार राति अमेरिका डालासको ग्रान्ड प्रेरी रंगशालमा क्यानडाले दिएको १ सय ८४ रनको लक्ष्य पछ्याएको नेपाल १९.३ ओभरमा एक सय २० रन बनाएर अलआउट भयो।
नेपालका लागि कुशल मल्लले सर्वाधिक ३७ रन, अनिल साहले २४ रन, आसिफ शेखले २२ रन, कुशल भुर्तेलले १६ बलमा १० रन जोडे भने अन्य ब्याट्सम्यानले दोहोरो अंक जोड्न सकेनन् । कप्तान रोहित पौडेलले १ रन, सन्दीप जोराले ६ रन, सोमपाल कामीले ४ रन, करण केसी र सागर ढकालले समान ५/५ रन बनाए ।
नेपालविरुद्ध क्यानडाका डिलन हेलिगरले चार विकेट, साद बिन जाफर र जेरेमी गोर्डनले समान २/२ विकेट, कलिम साना र परगत सिंहले १/१ विकेट लिएका थिए।
टस जितेर ब्याटिङको निम्तो पाएको क्यानडाका लागि निकोलस किर्तनले ५२ रन, रवीन्द्रपाल सिंह ४१ रन, नवनित धालिवालले ३२ रन, डिलन हेलिगर र परगत सिंहले समान १३/१३ रन बनाएका थिए। क्यानडाले २० ओभरमा ७ विकेटको क्षतिमा १ सय ८३ रन बनाएको थियो ।
नेपालका लागि अविनाश बोहराले २ विकेट, करण केसी, सोमपाल कामी, गुल्सन झा र सागर ढकालले समान १/१ विकेट लिएका थिए ।