रानी वनको वक्तृत्कलामा जनप्रियकी तिमल्सिना प्रथम

प्रतियोगितामा सहभागी एक विद्यार्थी

२२ जेठ, हेटौंडा। हेटौँडा–६ चौघडामा रहेको रानी सामुदायिक वन उपभोक्ता समूहको  आयोजनामा वक्तृत्वकला प्रतियोगिता सम्पन्न भएको छ । ५२ औं विश्व वातावरण दिवसको अवसरमा ‘जैविक विविधताको संरक्षणमा सामुदायिक वनको भूमिका र दायित्व  विषय माध्यमिक विद्यालयस्तरीय वक्तृत्वकला प्रतियोगिता भएको हो ।

प्रतियोगितामा जनप्रिय माविकी  रोजिना तिमल्सिना प्रथम, भानु  माविकी अप्सरा लम्साल दोस्रो, बुद्ध माविकी रोजिना घलान  तृतिय  भएका छन् । प्रतियोगितामा प्रथम हुनेले नगद ५ हजार, दोस्रोले ४ हजार, तेस्रोले ३ हजार रुपैँया प्राप्त गरेका छन् । प्रतियोगिताको निर्णायकमा सुनिल शिवाकोटी यदुनाथ घिमिरे र पूर्णभद्र चौलागाई रहेका थिए ।
हेटौँडा उपमहानगरपालिकाका वडा नम्बर ६ का अध्यक्ष  विष्णु बहादुर दाहालको प्रमुख आतिथ्यता एवं समूहका अध्यक्ष विष्णुप्रसाद न्यौपानेको अध्यक्षतामा कार्यक्रम भएको हो ।
कार्यक्रममा हेटौँडा वडा नम्बर ६ का निवर्तमान वडा अध्यक्ष अर्जुनप्रसाद चौलागाई, सामुदायि वन उपभोक्ता महासंघका केन्द्रीय सदस्य रामहरि चाैलागाई, फेकोफन मकवानपुरका अध्यक्ष साधुराम चौलागाई, अशोक सामुदायिक वनका अध्यक्ष रमेश कुमार राई, समूहका उपाध्यक्ष केशव धिताल, सचिव नानी माया रुम्वा, संचारकर्मी प्रदिप ढुङ्गाना, कार्यसमिति सदस्य, लेखा समिति लगायतको उपस्थिति रहेको थियो।प्रतियोगितामा ९ विद्यालयका १८ जना विद्यार्थीहरुको सहभागिता रहेको कार्यालय सचिव भीमसेन पौडेल बताएका छन् ।