भारत आइसिसी टी-२० विश्वकपको फाइनलमा

१४ असार, हेटौंडा । भारत आइसिसी टी-२० विश्वकपको फाइनलमा पुगेको छ। सेमिफाइनलमा इङ्ल्यान्डलाई ६८ रनले पराजित गर्दै भारत फाइनलमा प्रवेश गरेको हो।
गुयानाको प्रोभिडेन्स स्टेडियममा इङ्ल्यान्डका कप्तान जोस बटलरले टस जितेर बलिङ रोजेका थिए । भारतले इंग्ल्याण्डलाई १७२ रनको लक्ष्य दिएको थियो । लक्ष्य पछ्याउने क्रममा इंग्ल्याण्डलाई १६.४ ओभरमा १०३ रन बनाउँदा अलआउट हुन पुग्यो ।
इङ्ल्यान्डका लागि ह्यारी ब्रुकले सर्वाधिक २५ रन बनाए । त्यस्तै ओपनर जोस बटलरले २३ रन, अर्का ओपनर फिल साल्ट ५ रन, मोइन अलीले ८ रन बनाउँदा लियाम लिभिङस्टोने ११ रनमा रन, जोफ्रा आर्चरले २१ रन बनाए । भारतका लागि कुलदीप यादव र अक्षर पटेलले समान तीन/तीन विकेट लिए । 
टस हारेर ब्याटिङ गरेको भारतले निर्धारित २० ओभरमा ७ विकेट गुमाउँदै १७१ रन बनाएका थियो । उसका लागि कप्तान रोहित शर्माले सर्वाधिक ५७ रन बनाए ।
सुर्यकुमार यादवले ४७ रन, हार्दिक पाण्ड्याले २३ रन, रविन्द्र जडेजा १७ मा नट आउट रहे । इङ्ल्यान्डका लागि क्रिस जोर्डनले तीन विकेट लिए । चार ओभर बलिङ गरेका जोर्डनले ३७ रन खर्चिए । त्यस्तै रीस टोपले, जोफ्रा आर्चर, सैम करन र आदिल रशीदले समान एक/एक विकेट लिए ।