रेडियो मकवानपुरले साहित्यकारसँग अन्तक्रिया गर्ने

१५ माघ, हेटौँडा । हेटौँडाको पहिलो सामुदायिक रेडियो, रेडियो मकवानपुर १०१.३ मेगाहर्ज आठौँ वर्षमा प्रवेश गरेको छ । रेडियोले आफ्नो आठौँ वार्षिकोत्सव कार्यक्रम विविध कार्यक्रमको आयोजना गरी मनाउने भएको छ । 
वार्षिकोत्सवका अवसरमा रेडियोले साहित्यकारहरुसँग अन्तरक्रिया, भुकम्पपछिको अवस्थाको बारेमा सार्वजनिक सुनुवाई, साम्ुदायिक सम्मान कार्यक्रम गर्ने भएको हो । रेडियोल  मंगलबार शहिदको योगदानः साहित्यमा चर्चा विषयक अन्तरक्रिया कार्यक्रम रेडियोको सभा कक्षमा विहान ११ वजे गर्ने रेडियोका स्टेशन संयोजक राममणि दाहालले जानकारी दिए । यस्तै ट्रान्सपरेन्सी इन्टरनेशनसँगको सहकार्यमा भुकम्पपछिको पुनर्निर्माणअवस्थाको बारेमा मकवानपुर गढी गाउँपालिका–२ स्थित शिखरकट्टेरीमा सार्वजनिक सुनुवाइ कार्यक्रम हुने भएको छ । अन्तरक्रिया कार्यक्रम र सार्वजनिक सुनुवाइ कार्यक्रमको रेडियोले प्रत्यक्ष प्रशारण गर्ने रेडियोले जनाएको छ । 
रेडियोको हरेक वर्ष जिल्लाको आर्थिक सामाजिक क्षेत्रमा महत्वपूर्ण योगदान पु¥याउँदै आएका दुईजनालाई प्रदान गर्दै आएको सामुदायिक सम्मान माघ २२ गते प्रदान गर्ने छ । यसैबीच रेडियो सञ्चालक संस्था दिव्यतारा बहुउद्देश्यीय सहकारी संस्था लिमिटेड हेटौँडाले आफ्नो २० औँ स्थापना दिवश माघ २२ गतेनै मनाउने सहकारीले जानकारी दिएको छ । सामुदायिक सम्मान तथा सहकारीको स्थापना दिवशका अवसरमा हुने कार्यक्रम सिचाई मन्त्री सञ्जयकुमार गौतमको प्रमुख आतिथ्यमा हुने छ ।