हेटौँडामा दिए अख्तियार प्रमुखले कर्मचारीलाई निर्देशन

१७ माघ, हेटौँडा । अख्तियार दुरुपयोग अनुसन्धान आयोगका प्रमुख आयुक्त दिप बस्न्यातले देश संघीयतामा गईसकेकोले तल्लो तहसम्मका खर्च पारदर्शी गर्न कर्मचारी संयन्त्रलाई निर्देशन दिएका छन् । 
अख्तियार दुरुपयोग अनुसन्धान आयोग मध्यमाञ्चल क्षेत्रीय कार्यालयको हेटौँडामा नवनिर्मित भवन उद्घाटन गर्दै अख्तियार प्रमुख बस्न्यातले स्थानीय, प्रदेश र संघीय निर्वाचन सम्पन्न भएसंगै कानूनी रुपमै सिंहदरबारको अधिकार अब तल्लो तहसम्म पुगेको बताए । उनले सिंहदरबारमा हुने अभ्यास तल्लो तहसम्म पुगेको भन्दै प्रशासनिक र विकास खर्चलाई पारदर्शी गर्नु कर्मचारी संयन्त्रको जिम्मेवारी रहने बताए ।
बदलिदो संरचना अनुसार अख्तियारलाई पनि प्रदेश संरचनामा ढाल्दै लैजाने बताउँदै उनले अख्तियारलाई प्रविधियुक्त र पारदर्शी बनाउने काम पनि भईरहेको दावि गरे । कार्यक्रममा अख्तियारका सचिव राजन खनाल, मध्यमाञ्चल क्षेत्रीय प्रशासक रेश्मीराज पाण्डे, अख्तियार हेटौँडाका प्रमुख श्यामराज अधिकारी लगायतले पारदर्शी शासन व्यवस्थापनका लागि सबैले आप्mनो कर्तव्य पुरा गर्नुपर्नेमा जोड दिएका थिए । 
२ तल्ले दुईवटा भवन ७ करोड ४९ रुपैँयाको लागतमा डिएस÷बानियाँ जेभिले निर्माण सम्पन्न भएको कार्यक्रममा जानकारी दिईएको थियो ।