वडा प्रहरी प्रमुख अधिकारी सहित मकवानपुरका ९ इन्स्पेक्टरको सरुवा

१८ भदौं ,हेटौंडा। प्रहरी प्रधान कार्यालय मानव श्रोत विकास विभागले सोमबार गरेको ५८७ प्रहरी निरीक्षक(इन्स्पेक्टर) को सरुवामा मकवानपुरका ९ प्रहरी निरीक्षकको सरुवा भएको छ। 
वडा प्रहरी कार्यालय सानोपोखरा हेटौंडाका प्रहरी प्रमुख प्रहरी निरीक्षक दाताराम अधिकारी सहित मकवानपुरका अन्य ८ जना प्रहरी निरीक्षकको सरुवा भएको हो। वडा प्रहरी कार्यालय हेटौंडामा प्रहरी निरीक्षक प्रज्वल थपलिया आउने भएका छन्। हालका प्रहरी निरीक्षक दाताराम अधिकारीको जिल्ला प्रहरी कार्यालय दोलखा सरुवा भएको छ। त्यसैगरी ईलाका प्रहरी कार्यालय पशुपतिनगरका प्रहरी निरीक्षक दिनेश बहादुर कुँवरको काभ्रे ,जिल्ला प्रहरी कार्यालय मकवानपुरका प्रहरी निरीक्षक ओम प्रकाश पंडितको ताप्लेजुङ, अनुजा जंगम ,ईलाका प्रहरी कार्यालय मकवानपुरगढीका प्रहरी निरीक्षक सुदन केसी ,ईलाका प्रहरी कार्यालय पालुङका श्याम थापामगर, ईलाका प्रहरी कार्यालय फापरबारीका प्रहरी प्रमुख नारायण थापा, इप्रका मनहरीका दिपक थापाको पनि सरुवा भएको छ। निकै लामो समयपछि गृह मन्त्रालयले आज ठुलो संख्यामा प्रहरी निरीक्षकको सरुवा गरेको हो। इप्रका पशुपतिनगरमा विमला कुमारी कठायत, इप्रका फापरबारीमा सरोज लम्साल, इलाका प्रहरी कार्यालय मकवानपुरगढीमा विरेन्द्र रायमाझी, इप्रका पालुङमा सविन बाबु अर्याल, मनहरीमा वि़शाल सापकोटा र जिल्ला प्रहरी कार्यालय मकवानपुरमा रंजन मिश्र र ठाकुर प्रसाद सापकोटा सरुवा भई आउने भएका छन्।