भिमफेदीमा पहिरो, कान्तिलोकपथमा पनि फेरी पहिरो खस्यो

घट्टेपाखामा खसेको पहिरो

११ असोज, हेटौंडा । बिहीबार र शुक्रबार परेको अविरल वर्षाका कारण मकवानपुर भएर काठमाडौं जोड्ने राजमार्गहरु अवरुद्ध भएका छन्। शुक्रबार बिहान गएको पहिरो हटाएर खुलेको कुलेखानी-फाखेल, सिस्नेरि दक्षिणकाली सडकखण्डमा शुक्रबार दिउँसो भिमफेदी–भैसे सडक खण्डमा फेरी पहिरो गएको छ । 
भैसे भिमफेदी सडकखण्डको भिमफेदी ४ रातमाटामा पहिरो जादा भिमफेदी हुदै काठमाडौँ जाने मार्ग पुर्ण रुपमा अवरुद्ध बनेको हो।
मकवानपुरका निमित्त प्रहरी प्रवक्ता प्रहरी निरीक्षक ठाकुर प्रसाद सापकोटाले जानकारी दिए अनुसार 
बिहीबार र शुक्रबारको  बर्षाका कारण पहिरो खस्दा बन्द रहेको सिस्नेरि र फाखेल सडकखण्ड सुचारू भएपनि भिमफेदी ४ अन्तर्गत पर्ने सडक माथिबाट अचानक लेदोमाटो खसिरहेकोले फेरी सडकखण्ड अवरुद्ध बनेको हो। पहिरो पन्छाउने काम भइरहेको जनाइएको छ।

यता कान्तिलोकपथको विभिन्न ठाउँमा पहिरो खसेको छ। लोकपथको बकैया ११ घट्टेपाखामा खसेको पहिरो हटाइ एकतर्फी खुलाइएको लोकपथ अन्तर्गत बकैया-११ आँपचौर र लाम्राङमा पहिरो खसेपछि सवारी आवागमन ठप्प बनेको इलाका प्रहरी कार्यालय ठिङ्गनले जनाएको छ। कान्तिलोकपथको ललितपुर तर्फको क्षेत्रमा भने सवारी आवागमन भइरहेको जनाइएको छ।