समाचारको प्रभाव : बसपार्कको पसलहरुको अनुगमन             

हेटौँडा १० बसपार्कमा रहेको पसलमा अनुगमन गर्दै संयुक्त अनुगमन टोली

सुनिल शिवाकोटी 
२५ माघ, हेटौँडा । संयुक्त अनुगमन टोलीले हेटौँडा १० बसपार्कका संचालित कोल्ड स्र्टोर, किराना तथा नास्ता एवं चिया पसलको अनुगमन गरको छ । अनुगम टोलीले  १ रुपैया पर्ने खामलाई ५ रुपैयामा बेच्ने हेटौँडा  बसर्पाकमा रहेको मुनलाईट कोल्ड स्टरका साथै, बसर्पाककै गौतम कोल्ड स्टोर, दिपक कोल्ड स्टोर , प्रगती चिया पसल, हेटौँडा खाजा घर , राज किरान पसल लगायत १ दर्जन पसलमा अनुगम गरेको हो  

अनुगमनका  क्रममा सामानलाई  बढि मुल्यमा बिक्री गर्ने  मुनलाईट कोल्ड स्टरलाई  सचेत गराईको  जिल्ला प्रशासन कार्यालयका नासु सहदेव आचार्यले बताए । त्यस्तै  म्याद गुज्रिएका बिस्कुट, कुरकुरे , फ्रुटी, रियल, डिउ लगायतका पेयपदार्थ र अन्य खाद्यपदार्थहरु ठुलोमात्रामा जफत गरिएको घरेलु तथा साना उद्योग कार्यालयका प्रमुख चन्दन अमात्यले  बताए । त्यसैगरी हेटौँडामा सर्वसाधारणलार्इ  खशीको मासु भन्दै बाख्राको मासु मिसाएर बेचिएको भेटिएपछि  हेटौँडा १० भुटनदेवी रोडमा रहेको अरमान मिट सपमा शिल गरिएको हो ।
 घरेलु तथा साना उद्योग कार्यालयका प्रमुख चन्दन अमात्यको नेतृत्वमा गएको अनुगमन  टोलीमा अमात्य सहित जिल्ला प्रशासन कार्यालयका नासु सहदेव आचार्य, क्षेत्रीय खाद्य प्रविधि तथा गुण नियन्त्रण कार्यालयका खाद्य निरिक्षक कौशल ओझा, उपभोक्ता हकहित संरक्षण मञ्चका बासु खतिवडा, मकवानपुर उद्योग वाणिज्य संघका वरिष्ठ उपाध्यक्ष माधव न्यौपाने, प्रहरी प्रतिनिधि विरवहादुर शाह, पत्रकार सुनिल सिवाकोटी, बलराम पुडासैनी लगायत रहेका थिए ।