हेटौंडा जेसीजको 'जेसीज सप्ताह' कार्तिक ६ गतेबाट

कार्यक्रम बारे आयोजना गरिएको पत्रकार सम्मेलन

५ कार्तिक, हेटौंडा। हेटौंडा जेसीजले  ‘जेसीज सप्ताह २०२४’ मनाउने भएको छ । हेटौंडा जेसीजले विभिन्न कार्यक्रमको आयोजना गरि यस वर्ष पनि जेसीज सप्ताह मनाउन लागेको हो। 

सोमबार पत्रकार सम्मेलनको आयोजना गरी  कार्तिक ६ गतेदेखि ९ गतेसम्म जेसीज सप्ताह मनाउने भएको छ। यस वर्ष साइक्लिङ् तथा खेल प्रतियोगिता, दूव्र्यशनीविरुद्धको सचेतना कार्यक्रम, शैक्षिक सामग्री वितरण, रक्तदान लगायतका कार्यक्रमको आयोजना गरि जेसीज सप्ताह मनाउने लागिएको जनाएको छ ।विगतमा सप्ताहव्यापी रुपमा सातै दिन कार्यक्रमहरु गरिएको भएपनि यसवर्ष ४ दिनमै ७ वटा कार्यक्रम सम्पन्न गरिने पत्रकार सम्मेलनमा हेटौंडा जेसीज वर्ष २०२४ का अध्यक्ष विकेशलाल श्रेष्ठले जानकारी दिएका छन्। 

पहिलो दिन भोली विहान ७ बजे हेटौंडाको सिचाईं टोलदेखि मनकामना मन्दिरसम्म साइकल रेस आयोजना गरिने जनाइएको छ । सोही दिन दिउँसो ४ बजे जेसीजको सचिवालयमा वतृत्वकला प्रतियोगिता आयोजना हुने पत्रकार सम्मेलनमा जानकारी गराइएको छ। त्यसैगरी कार्तिक ७ गते विहान ७ बजे हेटौंडा १५ चिप्लेटीस्थित सामुदायिक विद्यालयमा विहान शैक्षिक सामग्री वितरण कार्यक्रम, कार्तिक ८ गते विहान ७ बजे हुप्रचौरमा रक्तदान कार्यक्रम र सोही दिन विहान ९ बजे सितलमहलचोकमा स्लो मोटरबाइकल प्रतियोगिता हुने जनाइएको छ ।कार्तिक ८ गते नै दिउँसो ४ बजे हेटौंडा ९ मा लागूऔषध दूव्र्यशनीविरुद्धको सचेतना कार्यक्रम आयोजना गरिने र कार्तिक ९ गते समापन तथा पुरस्कार वितरण कार्यक्रम रहेने जनाइएको हो।