टिकौली सवारी दुर्घटनामा घाइते मकवानपुरगढीका स्याङतानको मृत्यु

७ कार्तिक, टाँडी। पूर्व पश्चिम राजमार्ग अन्तर्गत चितवनको टिकौली जंगलमा ३ वटा सवारी एकआपसमा ठक्कर खाइ भएको  दुर्घटनामा मकवानपुरगढीका एक जनाको मृत्यु भएको छ।

मंगलबार मध्यरातमा पुर्व पश्चिम राजमार्ग अन्तर्गत चितवनको रत्ननगर नगरपालिका–९, टिकौली जंगलमा  टाँडीबाट नारायणगढतर्फ जाँदै गरेको मधेश प्रदेश ०३–००२ ख १४३९ नम्बरको ट्रक र नारायणगढबाट टाँडीतर्फ जाँदै गरेको ना ८ ख ८६७४ नम्बरको ट्याङकर एक आपसमा ठोक्किएर दुर्घटना भएको थियो। त्यसैगरी उक्त दुर्घटनामा 

ट्याङ्करको पछाडि ना ६ ख ४६२४ नम्बरको ट्रक पनि ठोक्किन पुग्दा   मधेश प्रदेश ०३–००२ ख १४३९ नम्बरको ट्रक चालक मकवानपुरगढी गाउँपालिका–२ का २६ वर्षीय अनिश स्याङ्तानको ज्यान गएको हो । उक्त दुर्घटनामा ट्रकका सह–चालक हेटौँडा–२ का २३ वर्षीय आशिष स्याङ्तान र ना ८ ख ८६७४ नम्बरको ट्याङकरका चालक हेटौँडा–१९ नेवारपानीका ३६ वर्षीय सुदिप तामाङ घाइते भएका छन्।स्याङतानको उपचारको क्रममा चितवन मेडिकल कलेजका ज्यान गएको चितवन प्रहरीले जनाएको छ। दुर्घटनामा घाइते अन्य २ जनाको सोही अस्पतालमा उपचार भइरहेको जनाइएको छ। ना ६ ख ४६२४ नम्बरको ट्रक चालक र सबै सवारी  इलाका प्रहरी कार्यालय रत्ननगर टाँडीको नियन्त्रणमा रहेको जनाइएको छ।