मंसिर २७ गते हेटौंडा-६ बालमैत्री वडा घोषणा हुने

२५ मंसिर, हेटौंडा । हेटौंडा-६ नम्बर वडालाई निकृष्ट बालश्रम मुक्त, बाल विबाह मुक्त तथा बालमैत्री स्थानीय शासनयुक्त वडा घोषणा गरिने भएको छ ।
बिहिबार निकृष्ट बालश्रम मुक्त, बाल विबाह मुक्त तथा बालमैत्री स्थानीय शासनयुक्त वडा घोषणा गरिने भएको हो ।
वडा कार्यालयले आज पत्रकार सम्मेलन गरि घोषणा कार्यक्रमलाई अन्तिम चरणको छलफल गरेर तयारी पूरा भएको जनाएको हो ।
पूर्ण खोप वडा घोषणा, पूर्व साक्षर वडा घोषणा, खुल्ला दिसामुक्त वडा घोषणा भई सकेको वडालाई नेपाल सरकारको मापदण्डको आधारमा तयार भएको बालमैत्री स्थानीय शासन घोषणा गर्न आवश्यक ५१ सूचकमा अभ्यास गरी ५१ सूचक मध्ये हालसम्म ४८ वटा सूचक शतप्रतिशत र बाँकी ४ सूचकमा घोषणाका लागि आवश्यक न्युनतम प्रतिशत नतिजा हासिल गरेकाले घोषणा कार्यक्रम गर्न लागिएको वडा अध्यक्ष विष्णुबहादुर दाहाले जानकारी दिए । हेटौंडा-६ दशौं बालमैत्री वडा बन्ने भएको छ ।
बालमैत्री स्थानीय शासन वडा समिति, वडा बालअधिकार समिति, बालसमूहरु, बालसमूह सञ्जाल, टोल विकास संस्थाहरु, युवा क्लब, आमा समूह, वन समिति लगायतको सहभागितामा घोषणा कार्यक्रम गरिने जनाइएको छ ।
पत्रकार सम्मेलनमा वडा अध्यक्ष विष्णुबहादुर दाहाल, वडा सदस्यहरू विजय पौडेल, लेखराज ढकाल, सरिता सापकोटा र मुना विश्वकर्मा, वडा सचिव आमोद मैनाली, नगर सहजकर्ता सपना ढुंगाना, वडा बाल सञ्जाल अध्यक्ष आरोही गौतम लगायतको उपस्थिति रहेको थियो ।