मुद्रण संघ मकवानपुरको सर्वसम्मत उम्मेदवार राजु नेपाल

२१ पुस, हेटौंडा।  मकवानपुर उद्योग वाणिज्य संघको निर्वाचन नजिकिदै जाँदा उम्मेदवारी घोषणाको क्रम चलिरहेको छ। संघको २४ देखि २७ गते सम्म हुने निर्वाचनमा  नेतृत्वका लागि २ टिम प्रतिस्पर्धामा रहेको पक्क देखिन्छ।यति बेला धमाधम विभिन्न क्षेत्रमा उम्मेदवारी घोषणाको लहर चलिरहेको छ। 

यसै क्रममा शनिबार मुद्रण ब्यबसायी संघले मकवानपुर उद्योग वाणिज्य संघको निर्बाचनमा बस्तुगत तर्फको सदस्यको उम्मेदवार बन्नेको नाम टुङ्गो लगाएको छ। संघका अघ्यक्ष राजु नेपाललाई उम्मेद्वार बनाउने सर्बसम्मत प्रस्ताब गरेको छ ।संघको शनिबार बस्तीपुरमा भएको भेलाले नेपाललाई उम्मेद्वार बनाउने र नेपालको पक्षमा बस्तुगततर्फ सम्पूर्ण व्यवसायीहरुको साझा उम्मेदवारको रुपमा मत माग्ने निर्णय गरेको हो ।

भेलामा संस्थापक अध्यक्ष गोकर्ण सुबेदी, संघका केन्द्रीय बरिष्ठ उपाध्यक्ष गोपाल प्रसाद ढकाल, केन्द्रीय प्रथम उपाध्यक्ष रामप्रसाद घिमिरे   केन्द्रीय सहसचिब खिलानाथ लुईटेल,सहित बिभिन्न बस्तुगत संघ का अध्यक्ष एवम प्रतिनिधी र पूर्व अध्यक्षहरुले सर्वसम्मत नेपाललाई उम्मेदवार उठाउने निर्माण गरेका हुन्। नेपाल हेटौंडा २ मा रहेको नेपाल इन्टरनेशनल प्रन्टिङ्ग प्रा लीका संचालक समेत हुन्। नेपाल मकवानपुरका युवा व्यवसायी समेत हुन्।