संगालो टोलको साधारणसभा पत्रकारदेखि डाक्टरसम्मलाई सम्मान

२७ पुस,हेटौंडा। हेटौँडा–७, न्युरेनी चिसापानीमा रहेको संगालो टोल विकास संस्थाले आफ्नो १७ औँ वार्षिक साधारणसभा शनिबार सम्पन्न गरेको छ।सम्पन्न साधारणसभा मार्फत संस्थाले संचारकर्मी, डाक्टर सहित विभिन्न व्यक्तिहरुलाई सम्मान गरेको छ। 
शनिबार भएको भेलामा संचारकर्मी तर्फ प्रष्टखबरका वरिष्ठ संवाददाता सुनिल शिवाकोटी, जेष्ठ नागरिकमा उमा थामी (महिला), द्वारकानाथ लामिछाने (पुरष) लाई सम्मान गरिएको छ। त्यसैगरी  उत्कृष्ट बचतकर्तामा लक्ष्मी माया श्रेष्ठ,वातावरण र  पर्यावरणीय अनुकूलनता तर्फ सम्झना गुरुङ, इनर्जी साइन्समा पीएचडी गर्ने सुवास अधिकारी, दन्त चिकित्सक रैभा मैनालीलाई कदरपत्र र दोसल्ला ओढाएर सम्मान गरिएको थियो ।
हेटौँडा वडानम्बर ७का वडाध्यक्ष दामोदर गौतमको प्रमुख आतिथ्यता एवम संस्थाका अध्यक्ष रोम बहादुर न्यौपानेको सभाध्यक्षतामा भेला भएको थियो ।
भेलामा रोम बहादुर न्यौपानेले अध्यक्षको प्रतिवेदन र कोषाध्यक्ष सुजित कुमार पोखरेलले आर्थिक प्रतिवेदन प्रस्तुत गरेका थिए। भेलामा टोल विकास संस्था हेटौंडा नगर समन्वय समितिका महासचिव शिवहरी दाहाल, हेटौंडा उपमहानगरपालिका सामाजिक विकास अधिकृत गोपानी गौतम,जनकल्याण सहकारी संस्थाका अध्यक्ष हिमाल पौडेल, न्युरेनी चिसापानी सामुदायिक वनका अध्यक्ष प्रकाश कार्की, सृजना टोल विकास संस्थाका सचिव टुक कुमारी चौलागाई, पशुपति मन्दिर संरक्षण समितिका अध्यक्ष कृष्णप्रसाद घिमिरे, 
स्थानीय समाजसेवीहरु रघुनाथ आचार्य, सुवोध रिमाल लगायतले मन्तव्य व्यक्त गरेका थिए। कार्यक्रममा माक्षापालन टोल विकास संस्था हेटौंडा ५ का अध्यक्ष केशव श्रेष्ठ, श्रीनिवास टोल विकास संस्थाका अध्यक्ष जनार्दन पौडेल, महालक्ष्मी कृषि सहकारी अध्यक्ष अर्जुनहरी अधिकारी, चिसापानी मृत्यु कोषका अध्यक्ष नारायण प्रसाद अधिकारी, संस्थाका सल्लाहकार दिलीप सुवेदी,हिरादेवी महर्जन, स्थानीय समाजसेवी देव कुमारी अर्याल आमा समुह अध्यक्ष कमला पोखरेल  लगायत हेटौँडा ७ मा रहेका विभिन्न टोल विकास संस्थाका प्रतिनिधिहरुको उपस्थिति रहेको थियो।कार्यक्रमको स्वागत मन्तव्य सौरभ अधिकारीले गरेका थिए।