मनहरी दुघर्टना अपडेट :गम्भीर घाइते हेटौंडा ४का श्रेष्ठको मृत्यु

२७ पुस, हेटौंडा। पूर्व पश्चिम राजमार्ग अन्तर्गत मकवानपुरको मनहरीमा भएको सवारी दुर्घटनामा गम्भीर घाइते एक जनाको मृत्यु भएको छ।

शनिबार दिउँसो मनहरी ६ स्थित पुर्व पश्चिम राजमार्गमा चितवन तर्फ आउदै गरेको प्रदेश १ - ०२६ च ५२५० नम्बरको स्कार्पियो र हेटौंडा तर्फ आउदै गरेको बा १६ च ८३२४ नम्बरको कार एकआपसमा ठक्कर खाई दुर्घटना हुँदा कार चालक हेटौँडा ४ स्कूलरोड निवासी ६० वर्षीय सुरेन्द्रलाला श्रेष्ठको ज्यान गएको मकवानपुर प्रहरी प्रवक्ता प्रहरी नायब उपरीक्षक श्यामु अर्यालले जनाएका छन् । उनको उपचारको क्रममा चितवनमा ज्यान गएको जनाइएको छ। त्यसैगरी गरी सो दुर्घटनामा अन्य १३ जना घाइते रहेको र सबैको चितवनमै उपचार भइरहेको जनाइएको छ।

* यस्तो छ दुर्घटनामा घाइते हुनेहरुको नाम *

१. कारमा सवार जिल्ला चितवन राप्ति न.पा.२ गड्यौली बस्ने बर्ष अन्दाजी ५५ को ओम कुमार श्रेष्ठ २. कारमा सवार जिल्ला चितवन राप्ति न.पा.२ गड्यौलि बस्ने बर्ष अन्दाजी ५० की सुनिता श्रेष्ठ

३. कारमा सवार सोही स्थानमा बस्ने बर्ष २१ की सुमिना श्रेष्ठ 

४. स्कार्पियोमा सवार पर्सा बिरगंज महानगरपालिका-२ छपकैया बस्ने अन्दाजी २६ बर्ष कि पुजा देवि शाह,सोही ठाउँ बस्ने निजको छोरी बर्ष अन्दाजी ८ कि प्रियान्सि शाह,  सोही ठाउँ बस्ने बर्ष अन्दाजी २३ की सुरदी देवि, अन्दाजी २१ की निशा कुमारी शाह, अन्दाजी १५ वर्षका  ओम संकर साह, अन्दाजी १९ वर्षीय राजिब कुमार साह, अन्दाजी १९ वर्षीया आरति कुमारी साह, अन्दाजी ४ वर्षीया दिब्या कुमारी साह, अन्दाजी १६ वर्षीय सरोज शर्मा र सोही स्थान बस्ने अन्दाजी १९ वर्षीया रोशनी शर्मा रहेको जनाइएको छ। स्कोर्पियो चालक यकिन नभएको र घटनाको अनुसन्धान भइरहेको डिएसपी अर्यालले जनाएका छन् ।