ललितपुर पुगेर के भने मूख्यमन्त्री पौडेलले ?

४ फागुन, ललितपुर । प्रदेश नम्बर ३ का मुख्यमन्त्री डोरमणी पौडेलले प्रदेश सरकारले प्रदेशको सबै १३ जिल्लामा अनुभुति हुनेगरि काम गर्ने बताएका छन् ।  उनले यहा धेरै चुनौतीहरु रहेपनि चुनौतिको पहाड फोरेर काम गर्ने बताए ।
नेकपा एमाले ललितपुर जिल्ला कमिटिले आज गरेको सबै निर्वाचित सांसद तथा नव निर्वाचित मुख्यमन्त्री सहित मन्त्रीहरुको स्वागतमा गरेको बधाई तथा शुभकामना आदानप्रधान कार्यक्रममा बोल्दै मुख्यमन्त्री पौडेलले आफु नमुना काम गर्नकै लागि मुख्यमन्त्री भएको बताए ।

उनले भने ‘पार्टीको म भन्दा धेरै उच्च तहका माननीयहरुको चर्चा हुँदाहुँदै म एक्कासी कसरी मुख्यमन्त्री भएहोला भनेर तपाईहरुलाई लागेको होला, तर मैले यो अनुभुति पहिल्यै गरेको थिए, जसरी तपाईहरु आश्चार्यमा पर्नुभयो, म तपाईहरुले सोचेको भन्दा पनि धेरै गरेर देखाउने प्रण गर्दछ, म सबैले थाहापाउने गरि नमुना मोडेलमा काम गर्ने ब्यक्ति हुँ त्यसैले यो प्रदेशलाई पनि तपाईहरुको सहकार्यका नमुना बनाउछु ।’
उनले प्रदेशको विकासमा सबै जिल्लाबाट के गर्दा आफ्नो जिल्लाको विकास हुन्छ, उक्त प्रस्तावहरु ल्याउन समेत आग्रह गरे । सबै मिलेर नियमित काम गरे विकास हुन समय नलाग्ने उनले दाबी समेत गरे ।
कार्यक्रममा सभामुख सानुकुमार श्रेष्ठ, प्रदेशका आन्तरिक मामिला तथा कानुन मन्त्री शालिकराम जम्मकट्टेल, भौतिक पूर्वाधार विकास मन्त्री केशव स्थापितसहितको उपस्थिति रहेको थियो ।