थाहाको वक्तृत्वकलामा पौडेल प्रथम

६ फागुन, हेटौँडा । बिन्दवासिनी मिडिया प्रालिद्वारा सञ्चालित रेडियो थाहा संचार ९९.६ मेगाहर्जले गरेको वक्तृत्वकला प्रतियोगितामा निर्मला माविका रञ्जन पौडेल प्रथम भएका छन् । 
आफ्नो दशौं बार्षिकोत्सवको अवसरमा आयोजित साताव्यापि कार्यक्रम अन्तर्गत गरेको अन्तरमावि स्तरीय ‘सवारी दुर्घटना न्यूनिकरणका उपायहरु’ विषयक वक्तृत्वकला प्रतियोगितामा पौडेल प्रथम भएका हुन् । प्रतियोगितामा सिद्धार्थ माविका सुदिन सुवेदी दोस्रो र आधुनिक राष्ट्रिय माविकी रोदिना थापा तेस्रो भएका छन् ।
रेडियोकी अध्यक्ष अस्मिता सुमार्गीको अध्यक्षता एवं नारायणी यातायात व्यवसायी संघका अध्यक्ष हिरालाल श्रेष्ठको प्रमुख आतिथ्यतामा कार्यक्रम भएको थियो । कार्यक्रममा रेडियो सञ्चालक अरुणराज सुमार्गी, साहित्यकार देबराज खरेल, प्रुडेन्सियल ईन्स्योरेन्सका प्रमुख अर्जुन सुवेदी, राष्ट्रिय शिक्षक संगठन मकवानपुरका अध्यक्ष श्रीराम दाहाल, जिल्ला ट्राफिक कार्यालय मकवानपुरका प्रहरी नायव निरिक्षक सन्तोष पाखरेल, बालबोध माविका प्रधानाध्यापक भीमसेन श्रेष्ठ, राजदेवी माविका प्रधानाध्यापक सानुकाजी पाण्डे लगायतको उपस्थिति रहेकिो थियो । प्रतियोगितामा मकवानपुरका विभिन्न विद्यालयका १५ जना विद्यार्थीले भाग लिएका थिए ।
बार्षिकोत्सव अन्तरगत सोमबार कवि गोष्ठी, थाहा सम्मानसहित समापन कार्यक्रम रहेको रेडियोका स्टेशन म्यानेजर मणीराज गौतमले बताए ।