थाहा संचारद्वारा ४ जनालाई सम्मान

७ फागुन, हेटौँडा । रेडियो थाहा संचार ९९.६ ले सोमबार हेटौँडामा आफ्नो क्षेत्रमा उदाहरणीय काम गरेका मकवानपुरका ४ जनालाई सम्मान गरेको छ । विन्दबासिनी मिडिया प्रालिद्वारा संचालित रेडियोले आफ्नो दशौं बार्षिकोत्सव समापन कार्यक्रममा ४ जनालाई थाहा सम्मानबाट सम्मानित गरेको हो । 
कार्यक्रममा प्रमुख अतिथि साहित्यकार धनराज गिरी, रेडियोका संरक्षक अजेयराज सुमार्गी र अध्यक्ष अस्मिता सुमार्गीले शिक्षासेवी कपिलराम उपाध्याय, सामाजिक क्षेत्रमा सक्रिय मामाघर नेपालका संरक्षक अर्पण पराजुली, महिला उद्यमी गणेशकुमारी श्रेष्ठ र युवा उद्यमी राजु अधिकारीलाई सम्मान गरेका हुन् । कार्यक्रममा रेडियोका संचालक अरुणराज सुमार्गी, नेपाल पत्रकार महासंघ मकवानपुरका अध्यक्ष हरि हुमागाई लगायतले मन्तव्य व्यक्त गरेका थिए ।
कार्यक्रमको अवसरमा कवि गोष्ठी समेत भएको थियो । कवि गोष्ठीमा एक दर्जन कविहरुले आप्mनो प्रस्तुति दिएका थिए । कार्यक्रमकै अवसरमा रेडियोका विज्ञापन दातालाई सम्मान गरिको थियो । रेडियोले साताव्यापी कार्यक्रम गरेर आप्mनो बार्षिकोत्सव मनाएको हो । धार्मिक पुस्तक वितरण, रक्तदान, विश्व साइकल यात्री पुष्कर शाहलाई सम्मान, थाहा दर्शन सम्बन्धी परिचर्चा र वक्तृत्वकला प्रतियोगिता गरेको थियो ।