हेटौंडामा गोरु काण्डः तस्कर पक्रन प्रहरीको असहयोग, रातोमाटेका चौकी इन्चार्जसँग सोधपुछ

समातिएको गोरु

सुनिल शिवाकोटी 
५ फागुन, हेटौंडा । आइतबार साँझ गोरु बोकेको ट्रक बिना सोधपुछ हेटौंडा १५ रातोमाटे हुदै बाराको पथलैया पुगेको घटमा विवादमा परेको मकवानपुर प्रहरीले रोतोमाटेका प्रहरी इन्चार्जसँग स्पष्टिकरण सोधेको छ । रातोमाटे इन्चार्ज कुमार फुयाँलसँग घटनाको बारेमा सोधपुछ गरिएको प्रहरी स्रोतले जनायो ।
आइतबार साँझ मकवानपुर प्रहरीले असहयोग गरेको भन्दै हेटौंडा–१५ रातोमाटे चौकीबाट उम्केको अवैध रुपमा गोरु लोड भएको ट्रक बाराको पथलैयाबाट नियन्त्रणमा लिइएको थियो । उक्त ट्रकलाई मकवानपुर प्रहरीले पक्राउ गर्न असहयोग गरेको र सशस्त्र प्रहरी बल पथलैयाको टोलीले नियन्त्रणमा लिन सफल भएको पशु सेवा कार्यालय मकवानपुरका प्रमुख बज्र किशोर ठाकुरले आरोप लगाएका छन् । 
यस घटनापछि बिवादमा परेको मकवानपुर प्रहरीले रातोमाटे प्रहरी चौकीमा इन्चार्ज फुयालसहित सो समयमा ड्युटीमा रहेका प्रहरीहरूलाई जिल्लामा बोलाई सोधफुछ सुरु गरिएको  मकवानपुर प्रहरी प्रमुख एसपी विश्व खड्काले बताएका छन् । 
यता पशु सेवा कार्यालय प्रमुख ठाकुरले मकवानपुर प्रहरीले गरेको असहयोगले अवैध गोरु बोकेको ट्रक बाराको पथलैयाबाट नियन्त्रणमा लिएको सोमबार बिहान पत्रकार सम्मेलन गरेर बताएका थिए । मकवानपुर प्रहरीले सहयोग नगर्दा मकवानपुरका नाका पार गरेर २५ अवैध गोरु बोकेको बागमती प्र.३–००१ ख १४२४ नम्बरको ट्रकलाई नियन्त्रणमा लिएको ठाकुरले बताएका छन् । 
आइतबार दिउँसो विशेष सूचनाका आधारमा कार्यालय प्रमुख ठाकुर गोरु सहितको ट्रकलाई नियन्त्रणमा लिन तयारी अवस्थामा थिए । उनी सरकारी मोटरसाइकलमा राजमार्ग भन्दा फरक बाटो भएर रातोमाटे चौकीमा पुगे । त्यहाँ पुग्दा ट्रक रोकेको देखेपछि प्रमख ठाकुरले प्रहरीलाई जानकारी गराएर र ट्रक नियन्त्रणमा लिन आग्रह गरे । तर, प्रहरीले ट्रक नियन्त्रणमा लिएन ।
चितवन हुँदै हेटौंडा आएको ट्रक नियन्त्रणमा लिन आफूले चौकीका इन्चार्ज कुमार फुयाललाई भनेको तर प्रहरीले उल्टो स्कर्टिङ गरेरे नाका कटाएको आरोप लगाए ।यस विषयमा मकवानपुरका प्रमुख प्रहरी उपरिक्षक विश्वराज खड्कालाई जानकारी गराउदा समेत वास्ता नगरिएको प्रमुख ठाकुरको भनाई छ ।
पछि रातोमाटे चौकीबाट ट्रक पथलैया तर्फ गएपछि प्रमुख ठाकुर पनि ट्रकको पछि पछि लागे । जनपथ प्रहरी र प्रशासनबाट सहयोग नपाएका प्रमुख ठाकुरले सशस्त्रको सहयोग लिए । सशस्त्र प्रहरी १४ नम्बर हेडक्वाटरका प्रमुख प्रहरी उपरिक्षक सन्तोष विक्रम शाहसंगको समन्वयमा पथलैया स्थित राजस्व अनुसन्धानमा खटिएको सशस्त्र प्रहरीले ट्रकलाई नियन्त्रणमा लिएको प्रमुख ठाकुरको भनाई छ ।
घटनाका बारेमा जानकारी दिन सोमबार आयोजित पत्रकार सम्मेलनमा जिल्ला पशु सेवा कार्यालय मकवानपुरका प्रमुख ब्रज किशोर ठाकुरले स्थानीय प्रहरीको असहयोगका कारण गोरु सहितको ट्रकले जिल्लाको नाका पार गरेको आरोप लगाएका हुन् । 
उनले प्रहरीले नै मोटरसाइकलबाट स्कर्टिङ गरेर ट्रकलाई मकवानपुरको सीमा पार गराएको दाबी गरेका हुन्। केही महिना सेलाएको गोरु काण्डले मकवानपुर प्रहरीको नेतृत्व माथि प्रश्न उठाएको छ । रातोमाटे चौकीबाट करिब २ किलो मिटरको दुरीमा प्रहरी निरीक्षकको नेतृत्वमा इलाका प्रहरी कार्यालय पशुपतिनगर रहेको छ ।
यता पत्रकार सम्मेलन ठाकुरले गोरु ओसारपसारका लागि आवश्यक भेटेरिनरी प्रमाणपत्र नक्कली भेटिएको र प्राप्त प्रमाणपत्रमा आबुखैरेनी, तनहुँका भीम राईले लक्ष्मी चौपाया सप्लायर्स, हेटौँडा १६ मार्फत झापाको हेमादेवी सप्लायर्स लाई गोरु विक्री गरेको उल्लेख गरिएको छ ।