हेटौंडा ७ पशुपति मन्दिरको २४औ साधारणसभा, अध्यक्षमा सुवोध

१४ फागुन, हेटौंडा। हेटौंडा ७ न्युरेनी चिसापानिमा रहेको पशुपति मन्दिर संरक्षण तथा विकास समितिको २४ औं बार्षिक साधारण सभा बुधबार सम्पन्न भएको छ।मन्दिर संरक्षण समितिका अध्यक्ष कृष्ण प्रसाद घिमिरेको सभाध्यक्षता तथा हेटौंडा ७ का वडाध्यक्ष दामोदर गौतमको प्रमुख आतिथ्यतामा साधारणसभा सम्पन्न भएको हो। 

कार्यक्रममा मन्दिरका पूर्व अध्यक्ष केदार मिश्र,पदम कुमारी अर्याल, न्युरेनी सामुदायिक वन उपभोक्ता समूहका अध्यक्ष प्रकाश कार्की, श्री निवास लक्ष्मी नारायण मन्दिरका अध्यक्ष जनार्दन पौडेल,संगीलो टोल विकास संस्थाका अध्यक्ष रोम बहादुर न्यौपाने  विभिन्न टोल विकास संस्थाका प्रतिनिधि लगायत स्थानियको  सहभागिता रहेको थियो।

सभाले आगामी कार्यकालका लागि सुवोध रिमालको नेतृत्वमा १३ सदस्यीय नयाँ कार्यसमिति चयन गरेको छ। समिति उपाध्यक्षमा संगीत पौडेल, सचिवमा नन्दु प्रसाद पोखरेल, सहसचिवमा सौरभ अधिकारी, कोषाध्यक्षमा उदय चौलागाई, सदस्यहरुमा तेज प्रसाद मैनाली, सरस्वती श्रेष्ठ, कमला पोखरेल, नविन पौडेल, बिष्णुहरी घिमिरे, बेद बहादुर श्रेष्ठ, विकास महल र न्युरेनी चिसापानी सामुदायिक वन पदेन सदस्य रहेका छन्। आजको साधारण सभाले आगामी कार्यकालका लागी सबैलाई सर्वसम्मत चयन गरेको हो। सभामा  समितिका अध्यक्ष घिमिरेले बार्षिक प्रगति प्रतिवेदन  प्रस्तुत गरेका थिए।