कैलाशको अध्यक्ष कप फुटबलको सेमिफाइनल समीकरण पुरा

१५ फागुन,हेटौंडा। मकवानपुरको कैलाश गाउँपालिकामा जारी अध्यक्ष कप फुटबल प्रतियोगिताको  सेमीफाइनलको समीकरण पुरा भएको छ। बुधबारबाट सुरु भएको पालिका स्तरीय अन्तर वडाकप फुटबलमा विहीबार  चार खेल सम्पन्न भएसंगै कपको सेमीफाइनलका समीकरण पुरा भएको हो। बिहीबार भएको पहिलो  खेलमा वडा १० ले वडा ६ लाई २ का विरुद्ध शून्य  गोल अन्तरले पछि पार्दै सेमीफाइनल प्रवेश गरेको छ । वडा १० का लागि सागर बलले २ गोल गरेका थिए भने खेलको म्यान अफ द म्याच पनि सागरनै घोषित भए ।
त्यसैगरी आज भएको दोस्रो खेलमा वडा ५ ले वडा ३ लाई ३ का विरुद्ध शून्य गोल अन्तरले हराएको छ । ५ नम्बरका हिरा लामाले एक गोल र खड्कलाल मुक्तानले २ गोल गर्दै ५ नम्बरलाई फेमीफाइनलमा पुयाएका हुन् । खेलको म्यान अफ द म्याच खड्कलाल मुक्तान घोषित भएको खेलकुद विकास समितिका सदस्य रवीन्द्र थिङले बताए । 
त्यसैगरी आजै सम्पन्न तेस्रो खेलमा वडा नम्बर ७ विजयी भएको छ । घरेलु मैदानमा वडा ७ ले ९ लाई २का विरुद्ध १ गोल अन्तरले पराजित गरेको थियो । वडा नम्बर ७ को तर्फ बाट सागर चेपाङले २ गोल गरेका थिए भने ९ को तर्फबाट रिजन बर्तौलाले १ गोल गरेका थिए । खेलको म्यान अफ द म्याच चेपाङ घोषित भए । त्यसैगरी आज भएको चौथो खेलमा  वडा नम्बर ८ विजयी भएको छ । ८ का खेलाडी राजन स्याङ्बोले ४ नम्बरको पोष्टमा  ५ गोल गरेका थिए भने ४ नम्बरले भने कुनै पनि गोल फर्काउन सफल भएन। खेलको म्यान अफ द म्याच राजन स्याङ्बो घोषित भए ।गाउँपालिकाको आयोजना तथा कैलाश गाउँपालिका खेलकुद विकास समितिको व्यवस्थापनमा भइरहेको प्रतियोगिताको शुक्रबार हुने पहिलो सेमीफाइन खेल वडा नम्बर १० र ७ बीच र  दोस्रो खेल वडा नम्बर ८ र ५ बीच हुने समितिका संयोजक मोहन वाईवाले बताएका छन् ।
विजेताले  १ लाख नगद सहित ट्रफि, मेडल र प्रमाणपत्र प्राप्त गर्नेछन् भने उपविजेताले ६० हजार नगद सहित ट्रफि, मेडल र प्रमाणपत्र प्राप्त गर्नेछन् ।  कैलाश ९ स्थित नामटार खेल मैदानमा जारी प्रतियोगिताको फाइनल भिडन्त शनिबार हुने जनाइएको छ।