सिद्धार्थ माविको अभिभावक भेला, मन्त्री खड्काले गरे उदघाटन

१६ चैत, हेटौंडा। हेटौंडा २ मा रहेको सिद्धार्थ माविको ४६ औ अभिभावक भेला सम्पन्न भएको छ। शुक्रबार सम्पन्न भेलाको  बागमती प्रदेश सरकारका खानेपानी, ऊर्जा तथा सिंचाई मन्त्री श्यामबहादुर खड्काले गरेका थिए।
ब
विद्यालय व्यवस्थापन समितिका अध्यक्ष बलराम घिमिरेको अध्यक्षतामा सम्पन्न कार्यक्रममा बोल्दै प्रमुख अतिथि मन्त्री खड्काले अबको शिक्षा व्यवहारिक, रोजगारमूलक र प्रविधिमैत्री हुनुपर्ने बताएका छन् । 
औपचारिक शिक्षा हासिल गरिसकेपछि विद्यार्थीहरुले तत्काल रोजगार नपाउने र विदेशिनुपर्ने बाध्यात्मक अवस्थाप्रति चिन्ता व्यक्त गर्दै मन्त्री खड्काले अब दिइने शिक्षा व्यवहारमा लागू हुने, रोजगारमूलक र प्रविधियुक्त हुनुपर्नेमा जोड दिएका हुन् । कार्यक्रममा बागमती प्रदेश सभा सदस्य एकालाल श्रेष्ठ, हेटौंडा उपमहानगरपालिकाका प्रवक्ता तथा १ नम्बर वडा अध्यक्ष सविन न्यौपाने, हेटौंडा २ का वडा अध्यक्ष विष्णुगोपाल महर्जन, विव्यसका पूर्व अध्यक्षद्वय गुणराज घिमिरे, मधु बजगाई, सिद्धार्थ ल क्याम्पस प्रमुख मोहन शर्मा, विद्यालय सदस्य लक्ष्मी श्रेष्ठलगायतले शुभकामना मन्तव्य व्यक्त गरेका थिए । कार्यक्रममा शिक्षक, राष्ट्रपति रनिङ्ग शिल्ड प्रतियोगितामा मेडल विजेता विद्यार्थीलाई सम्मान गरेका थिए। भेलाले विद्यालय व्यवस्थापन समितिको नयाँ नेतृत्व समेत चयन गर्नेछ। समिति चयनका लागि ३० जनाको मनोनयन परेको समिति चयन समितिका सदस्य विद्यालयका प्रधानाध्यापक परमानन्द सरोज कर्णले बताएका छन् ।