अछामको साँफेहाट बजारमा आगलागी, १० पसल जलेर नष्ट

१३, बैशाख, मंगलसेन । अछामको प्रमुख व्यापारिक केन्द्र साँफेहाट बजारमा शनिबार बिहान भिषण आगलागी भएको छ। आगलागीमा परेर १० वटा पसल पूर्ण रूपमा जलेर नष्ट भएका छन्। 
शनिबार बिहान करिब साढे ३ बजेको समयमा  साँफेबगर नगरपालिका–३ स्थित सुवेच्छा म:म सेन्टरबाट  सुरु भएको आगलागीले, गंग बहादुर कुवरको काल भैरव जनरल स्टोर जलि पुर्ण रुपमा क्षेती भएको, मकर कुवरको रिभरसाईड नास्ता पसल जलि पुर्ण रुपमा क्षेती भएको, टिका कुवरको ब्युटी जलि पुर्ण रुपमा क्षेती भएको छ। 
त्यसैगरी ज्ञानेन्द्र कुवरको डाक मोवाईल ग्यालरी जलि पुर्ण रुपमा क्षेती भएको,  दिक सुनार कालभैरव सुन चाँदी पसल भित्र रहेका सुन चाँदिका गरगहना निकालेपनि पसल जली पुर्णरुपमा नष्ट भएको, भिम कुवरको रोडसाईड रेष्टुरेन्ट जली पुर्ण रुमा क्षेती भएको अछाम प्रहरी प्रमुख डीएसपी ईश्वरी प्रसाद भण्डारीले बताएका छन् । उक्त आगलागीमा  सुमन कुवरको ई.भी. काउन्टर एण्ड पसल,किसोर भाटको नास्ता पसल र  सुरेस कुवरको सितल होटेल ऐण्ड गेष्ट हाउस जलि पुर्ण रुपमा नष्ट भएको जनाइएको छ। 
विद्युत् सर्ट भएर सल्किएको आगलागीबाट ३ करोड ८५ लाख बराबरको धनमाल जलेर नष्ट भएको जनाइएको छ। नेपाल प्रहरी, सशस्त्र प्रहरी र स्थानीयको सहयोगमा लागेको आगो करिब ३ घण्टापछि नियन्त्रणमा आएको थियो। घटनाको आवश्यक अनुसन्धान भइरहेको जनाइएको छ ।