रुपेश दुलाल
३० भदौ, हेटौँडा ।
किर्ते कागजातका आधारमा सरुवा हुने ३ स्वास्थ्यकर्मीलाई जिल्ला प्रहरी कार्यालय मकवानपुरले पक्राउ गरेको छ ।
मध्यमाञ्चल क्षेत्रीय स्वास्थ्य निर्देशनालय हेटौँडाले असारदेखि भदौ महिनासम्मको रौतहट जिल्लाको पत्र अनुसन्धान गर्दा किर्ते कागजातमा सरुवा भएको फेला परेपछि उनीहरुलाई प्रहरीले नियन्त्रणमा लिएको हो । रौतहटबाट विभिन्न जिल्लामा सरुवा भएका २ अनमी, २ अहेव र १ हेल्थ असिष्टेन्टको सरुवा पत्र किर्ते फेला परेको हो ।
क्षेत्रीय निर्देशकले मात्रै सरुवा गर्न पाउने नीतिगत प्रावधान भएपनि निमित्त क्षेत्रीय निर्देशकको हस्ताक्षरमा ५ जना कर्मचारी सरुवा भएको पाईएको छ । किर्तेमा संलग्न भएको आशंका भएका ३ जनालाई क्षेत्रीय स्वास्थ्य कार्यालयमा बोलाई अनुसन्धानका लागि प्रहरीको जिम्मा लगाईएको र २ जना सम्पर्कमा नआएको क्षेत्रीय स्वास्थ्य निर्देशानालय हेटौँडाका निर्देशक डा. रमेश विक्रम सिंह बताए ।
स्वास्थ्यकर्मी पक्राउपछि दिउँसो घटनाबारे बुझ्न गएका आधिकारिक ट्रेड युनियन र पेशागत ट्रेड युनियनका प्रतिनिधिलाई समेत प्रहरीले नियन्त्रणमा लिएको छ । उनीहरुले घटनामा क्षेत्रीय स्वास्थ्य निर्देशनालयका कर्मचारीको संलग्नता भएकाले उनीहरुलाई कारवाही हुनुपर्ने माग गरेका छन् । क्षेत्रीय निर्देशनालयको प्रारम्भिक अनुमानमा ३१ जना कर्मचारी किर्ते कागजातका आधारमा सरुवा भएकाले थप कागजात अनुसन्धान थालिएको छ ।
को को स्वास्थ्यकर्मी पक्राउ परे ?
किर्ते कागजातका आधारमा सरुवा हुने ३ जना स्वास्थ्यकर्मीलाई प्रहरीले पक्राउ गरेको छ । घटनामा संलग्नता रहेको आशंकामा पक्राउ पर्नेमा रौतहटबाट ललितपुर सरुवा भएकी अनमी मन्दिरा श्रेष्ठ, सर्लाही सरुवा भएका अहेव दिनेशप्रसाद शाह र पर्सा सरुवा भएका हेल्थ असिष्टेन्ट राजकिशोर यादव रहेको स्रोतको दावि छ । अनुसन्धानमा किर्तेमा सरुवा भएका कर्मचारीहरुको नाम क्षेत्रीय स्वास्थ्य निर्देशनालयले आधिकारिक रुपमा दिन चाहेन । क्षेत्रीय स्वास्थ्य निर्देशक डा. रमेशविक्रम सिंहले अरु पनि कर्मचारी किर्ते कागजमा सरुवा भएको हुन सक्ने र यसमा गिरोहको हात रहेकोले अनुसन्धानका लागि प्रहरीलाई जिम्मा लगाएको बताए । उनले स्वास्थ्य क्षेत्रमा रहेका गिरोह कारवाहीमा पर्ने दावि समेत गरे । प्रहरी स्रोतले घटनामा संलग्न मूख्य व्यक्तिको पहिचान भएको जनाएको छ ।
नेता समेत नियन्त्रणमा
घटनाबारे बुझ्न गएका आधिकारिक ट्रेड युनियन र पेशागत संगठनका नेता समेत प्रहरी नियन्त्रणमा परेका छन् । आधिकारिक ट्रेड युनियनका जिल्ला अध्यक्ष विष्णुप्रसाद अर्याल, उपाध्यक्ष राजकुमार अर्याल, नेपाल समाजवादी स्वास्थ्यकर्मी संघका केन्द्रिय संयोजक उत्सव चौलागाई, नेपाल स्वास्थ्यकर्मी संघका जिल्ला अध्यक्ष रामआदर पाण्डे, लक्ष्मण दाहाल, दिपकराज मिश्र, यादवेन्द्र पौडेलसहितका नेताहरुलाई प्रहरीले नियन्त्रणमा लिएको उत्सव चौलागाईले बताए ।
क्षेत्रीय स्वास्थ्य निर्देशनालयमा क्षेत्रीय निर्देशकसँग घटनाबारे बुझ्न गएका उनीहरुलाई जिल्ला प्रहरी कार्यालयमा लगिएको छ । किर्तेमा क्षेत्रीय स्वास्थ्य निर्देशालयभित्रका कर्मचारीको हात रहेको र यसको नेतृत्व निर्देशकले गरेकोले उनलाई समेत पक्राउ गर्नुपर्ने जिकिर नेताहरुले गरेपछि प्रहरीले उनीहरुलाई नियन्त्रणमा लिएको थियो । निर्देशकको काममा बाधा पु¥याउन खोजेकोले नियन्त्रणमा लिएको प्रहरी निरीक्षक बेदप्रसाद गौतमले त्यहाँ उपस्थित संचारकर्मीलाई जानकारी दिए । प्रहरीमा नियन्त्रणमा लिईएका नेताहरुलाई अपरान्ह छोडिएको छ ।
१६ बैशाख, हेटौंडा । उच्च अदालतको न्यायाधीशमा जितेन्द्र बाबु थपलिया नियुक्त भएका छन् । न्याय परिषदका प्रवक्ता...
१६ बैशाख, हेटौंडा । नेपाली कम्युनिष्ट पार्टीले बाम एकताको लागि आह्वान गरेको छ। पार्टी मुख्यालय पेरिसडाँडामा...
१६ बैशाख, हेटौंडा । शिवम् सिमेन्ट्स लिमिटेडले रोल्पाका १२ वर्षीय बालक सन्देश बुढा मगरको शिक्षाका लागि...
१६ बैशाख, हेटौंडा । वर्षाका कारण बिपी राजमार्गमा सवारी आवागमन बन्द गरिएको छ । काभ्रे जिल्लाका विभिन्न स्थानमा...
१६ बैशाख, हेटौंडा । हाल नेपालमा पश्चिमी र स्थानीय वायूको साथै नेपालको पूर्वी भू-भाग नजिक तल्लो वायूमण्डलमा रहेको...
१५ बैशाख, हेटौंडा । नेपाली बजारमा मंगलबार सुनको मूल्य घटेको छ । सुन तोलामा तीन हजार रुपैयाँ घटेको हो । आज छापावाल...
१५ बैशाख, हेटौंडा । नक्कली नोटलाई सक्कली भन्दै ठगी गरेको अभियोगमा काठमाडौँ उपत्यका अपराध अनुसन्धान कार्यालय...
१५ बैशाख, हेटौंडा । व्यवसायी शेखर गोल्छालाई थप तीन दिन हिरासतमा राखेर अनुसन्धान गर्न अदालतले अनुमति दिएको...
१५ बैशाख, हेटौंडा । हाल नेपालमा पश्चिमी र स्थानीय वायुको साथै नेपालको पूर्वी भूभाग नजिक तल्लो वायुमण्डलमा रहेको...
४ वैशाख , हेटौंडा । मकवानपुरमा भएको छुट्टाछुट्टै स्थानमा भएको सवारी दुर्घटनामा परेर २ जनाको ज्यान गएको छ...
१० बैशाख , हेटौंडा । बागमती प्रदेशका मुख्यमन्त्री इन्द्र बहादुर बानियांको प्रमुख राजनीतिक सल्लहाकारमा दामोदर...
३ बैशाख, हेटौंडा । संघीय संसद्अन्तर्गत संसदीय समितिहरूको सभापतिमा आज मनोनयन दर्ता हुँदै छ । संघीय संसद्...
३ बैशाख, हेटौंडा । हाल नेपालमा पश्चिमी र स्थानीय वायुको आंशिक प्रभाव रहेको छ। देशको हिमाली भू-भागमा साधारणतया...
४ बैशाख, हेटौंडा । हाल नेपालमा पश्चिमी र स्थानीय वायुको आंशिक प्रभाव रहेको छ। कोशी, बागमती र गण्डकी प्रदेशको...
३ बैशाख, हेटौंडा । इरानको नियन्त्रणमा रहेका नेपाली युवा अमृत झा रिहा भएका छन् । बुधबार उनलाई इरानले मुक्त गरेको...
७ बैशाख, हेटौंडा । नेपालको मौसममा हाल पश्चिमी र स्थानीय वायुका साथै पूर्वी नेपाल नजिक रहेको न्यून चापीय...
९ बैशाख, हेटौंडा । हाल नेपालमा पश्चिमी र स्थानीय वायुको आंशिक प्रभाव रहेको छ। जसको प्रभावले देशको हिमाली भूभागमा...
७ बैशाख, हेटौंडा । कपिलवस्तुमा पेस्तोलसहित एक जना युवक पक्राउ परेका छन् । बुद्धभूमि नरपालिका-९ डुमराबाट ३४...






-1777363227.png)











