वन अधिकृतलाई फेकोफनको स्वागत

१४ फागुन, हेटौँडा । सामुदायिक वन उपभोक्ता महासंघ (फेकोफन) मकवानपुरले सरुवा भएर आएका मकवानपुरका जिल्ला वन अधिकृत प्रल्हाद धिताललाई एक कार्यक्रमको आयोजना गरि स्वागत गरेको छ । धिताल सुर्खेत जिल्लाबाट सरुवा भै हेटौँडा आएका हुन् । 
स्वागत ग्रहण गर्दै अधिकृत धितालले आफू जिल्लाबासी समेत भएको हुँदा वनको समग्र विकासमा ईमान्दारीताका साथ काम गर्ने बताए । सामुदायिक वनको विकासको लागि फेकोफन, सामुदायिक वनका पदाधिकारी र सम्वन्धित सबैसँग मिलेर काम गर्न आफू ईच्छुक रहेको बताउदै आफू सदैव वनको विकासमा क्रियाशिल रहने बताए । 
कार्यक्रममा मध्यमान्चल क्षेत्रीय वन निर्देशनालयका सहायक वन अधिकृत नवराज पुडासैनी, महासंघका महासचिव शम्भुप्रसाद न्यौपाने, सचिवालय सदस्य खडानन्द चौलागाई, बलराम अधिकारी, रानी सामुदायिक वनका अध्यक्ष कृष्ण विडारी, चुच्चेखोला सामुदायिक वनका अध्यक्ष अर्जुनप्रसाद दाहाल, बुङदल सामुदायिक वनका अध्यक्ष चन्द्रप्रसाद दुलाल, चनौटा सामुदायिक वनका अध्यक्ष रामप्रसाद पौडेल, जनहित सामुदायिक वनका अध्यक्ष मनहरि बर्तौला लगायतकाले मन्तव्य व्यक्त गरेका थिए । 
कार्यक्रम सामुदायिक वन उपभोक्ता महासंघ मकवानपुरकी अध्यक्ष पञ्चमाया स्याङतानको अध्यक्षतामा भएको थियो ।