कैलाशमा अपाङ्गता भएकालाई बाख्रा वितरण

२५ बैशाख, हेटौंडा। मकवानपुरको कैलाश गाउँपालिकाका अपाङ्गता भएका व्यक्तिलाई बाख्रा वितरण गरिएको हो। गाउँपालिकाकोले १८ घरपरिवारलाई वीउपुजीँ स्वरुप बाख्रा वितरण गरिएको हो  ।
महिला, बालबालिका तथा जेष्ठनागरिक शाखा अन्तर्गत अपाङ्गता भएको व्यक्तिको लागि जिविकोपार्जन कार्यक्रम अन्तरगत १८ घरपरिवारलाई बाख्रा प्रदान गरिएको हो । 
गाउँपालिका अध्यक्ष लोकबहादुर मुक्तानको उपस्थितीमा माउ बाख्रा वितरण गरिएको महिला बालबालिका तथा जेष्ठनागरिक शाखा प्रमुख रमिला सापकोटाले बताईन् ।  वौद्धिक, मानसिक, शारिरीक तथा बहु अपाङ्गता भएको क वर्गका अपाङ्गतालाई माउ बाख्रा प्रदान गरिएको सापकोटाले बताईन् । 
उक्त कार्यक्रमलाई सामाजिक विकास मन्त्रालयको ६० प्रतिशत, गाउँपालिकाको २० प्रतिशत र सुन्दर ढोका साथी सेवा संस्थाको २० प्रतिशत साझेदारीमा सञ्चालन भएको हो । सोही कार्यक्रम अन्तरगत २ जनाको स्वास्थ्य सेवा गरेको छ भने २ जनाले टनेल निर्माण गरेको सुन्दर ढोका साथी सेवा परियोजना संयोजक राम कार्कीले बताए।उनले एक जनाले भने किराना पसल गरेको उनले बताएका छन् । बाख्रा वितरण कार्यक्रममा गाउँपालिका उपाध्यक्ष बालकुमार मल्ल, वडा ३ का कार्यबहाक अध्यक्ष राममाया प्रजा, महिला, बालबालिका तथा जेष्ठनागरिक शाखा प्रमुख रमिला सापकोटा लगायतको उपस्थिती रहेको  थियो ।