चुच्चेखोला वनद्वारा बार्षिकोत्सवमा सम्मान

१५ फागुन, हेटौँडा । स्थापनाको २८ औ वार्षिकोत्सवको अवसरमा हेटौडा–६, चुच्चेखोलामा रहेको चुच्चेखोला सामुदायिक वन उपभोक्ता समूहले विभिन्न विधाका उत्कृष्ठ उपभोक्ता एवम विभिन्न संघसंस्थालाई सम्मान गरेको छ । 
संचारकर्मी भीमसेन पौडेल, गैरसरकारी संस्था जिओलोजिकल सोसाईटी अफ लण्डन, कुखुरा व्यवसायी प्रविण गौतम, कृषक बद्रीप्रसाद तिमल्सिना, कराते खेलाडी विमला डंगोल, उद्योगी राजुकुमार श्रेष्ठ,पशुपालक प्रेमप्रसाद दाहाललाई सम्मानित गरिएको थियो । यसैगरी पूर्वअध्यक्ष उदय विडारी,देवप्रसाद घिमिरे, चेतनाथ चौलागाई, पूर्व उपाध्यक्ष रामप्रसाद घिमिरे, पूर्व कोषाध्यक्ष माधवप्रसाद पराजुली, पूर्वसदस्य नकुल लम्साल, राजु पन्त, वन प्राविधिक विशाल भट्टराई,उत्तमबहादुर कटुवाल, श्रीकृष्ण न्यौपाने, यदुकमार घिमिरे, मधुसुदन देवकोटा, रमेशप्रसाद घिमिरे,शर्मिला सिलवाल, उपभोक्ता मुक्तीनाथ गौतम लगायतकालाई सम्मान गरिएको थियो । 
जिल्ला वन अधिकृत प्रल्हाद प्रसाद धितालको प्रमुख आतिथ्यता एवम समूहका अध्यक्ष अर्जुनप्रसाद दाहालको अध्यक्षतामा कार्यक्रम भएको थियो । कार्यक्रममा सामुदायिक वन उपभोक्ता महासंघ,मकवानपुरकी अध्यक्ष पञ्चमाया स्याङतान, फापरवारी सेक्टर वन कार्यालयका प्रमुख राजेन्द्रमान राजभण्डारी, जेडएसएलका प्रकाश सिग्देल, रानी सामुदायिक वनका अध्यक्ष कृष्ण विडारी,ज्योति सामुदायिक वनका अध्यक्ष रामबाबु खतिवडा, हिमाल महिला बहुउद्धेश्यीय सहकारीकी अध्यक्ष जानकी दाहाल, समूहका पूर्व अध्यक्ष उदय विडारी,देवप्रसाद घिमिरे, सहसचिव केशवप्रसाद रेग्मी,कार्यालय सचिव केदार गौतम लगायतकाले मन्तव्य व्यक्त गरेका थिए । 
यो समूह मकवानपुरको पहिलो हस्तान्तरित सामुदायिक वन हो । समूह २०४७ साल फागुन १५ गतेका दिन वन कार्यालयले हस्तान्तरण गरेको थियो ।