हेटौंडामा सञ्चार क्षेत्रमा प्रविधिले ल्याएको चूनौती र अवसर बारे कार्यशाला गोष्ठी

२४ जेठ, हेटौंडा। हेटौंडामा सञ्चार क्षेत्रमा प्रविधिले ल्याएको चूनौती र अवसर विषयक कार्यशाला गोष्ठीको आयोजना गरिएको छ।

नेपाल पत्रकार महासंघ मकवानपुर शाखाको आयोजना तथा हेटौंडा उपमहानगरपालिकाको आर्थिक सहयोगमा शनिबार हेटौंडामा सञ्चार क्षेत्रमा प्रविधिले ल्याएको चूनौती र अवसर विषयक कार्यशाला गोष्ठीको आयोजना गरिएको हो। 
उक्त गोष्ठीको हेटौंडा उपमहानगरपालिकाकी नगर प्रमुख मिनाकुमारी लामाले गरेकी थिइन् । नेपाल पत्रकार महासंघ मकवानपुरका अध्यक्ष बालकृष्ण अधिकारीको अध्यक्षतामा भएको कार्यक्रममा बोल्दै नगर प्रमुख लामाले देश र समाजप्रति हेर्न दृष्टिकोण नकारात्मक हुँदा अहिलेको व्यवस्था र संविधान दुबै असफल हुने बताइन्। मेयर लामाले पत्रकारिता पनि नकरात्मक कुराको हावी हुदै गएको उल्लेख गर्दे, सकारात्मक भन्दा पनि नकरात्मक कुरालाई मात्र हल्ला गर्ने प्रवृत्ति बढ्दै गएको बताइन्। 
उनले  जनप्रतिनिधिको भिजनलाई तल्लो तहसम्म लैजाने पत्रकार भएको बताइन्।
कार्यक्रममा बिशिष्ट अतिथिका रुपमा रहेका पत्रकार महासंघका महासचिव रामप्रसाद दाहालले सुरक्षित रुपमा पत्रकारिता गर्ने वातावरण बनाउन राज्यलाई जवाफदेही बनाउनुपर्ने बताए ।  महासचिव दाहालले तीन  तहकै सरकारले कानुन मार्फत प्रेसलाई नियन्त्रण गर्न खोजेको आरोप लगाए भ
कार्यक्रममा पत्रकार महासंघ बागमती प्रदेश अध्यक्ष कृष्ण सारु मगरले प्रविधिको तीव्र विकासले पत्रकारिता गर्ने प्रवृत्ति परिवर्तन हुदै गएको बताएका छन्। कार्यक्रम हेटौंडा उपमहानगरपालिकाका प्रमुख प्रशासकीय अधिकृत भरत गौतम, नेपाल पत्रकार महासंघ बागमती प्रदेशका पुर्व अध्यक्ष प्रताप विष्ट लगायतले मन्तव्य व्यक्त गरेका थिए। 
कार्यक्रममा बागमती प्रदेशका सञ्चार रजिष्ट्रार रेवती सापकोटाले रचनात्मक पत्रकारिता, एआईले निम्त्याउने चूनौति र यसका सकारात्मक पक्षहरू विषयमा र  नेपाल पत्रकार महासंघका महासचिव रामप्रसाद दाहालले पत्रकार आचारसंहिता र विपद् पत्रकारिता सम्बन्धी प्रशिक्षण प्रदान गरेका थिए। 
कार्यक्रममा उपाध्यक्ष हरि हुमागाईं सहित विभिन्न पत्रकार संगठनका अध्यक्ष एवम् प्रतिनिधिहरूको उपस्थिति रहेको थियो ।