बेचबिखनका कार्यविरुद्ध सहयोग गर्ने सभामुखको प्रतिवद्धता

१६ फागुन, हेटौंडा । प्रदेश नम्वर ३ का सभामुख सानुकुमार श्रेष्ठले प्रदेश सरकारले चेलिबेटी बेचबिखन विरुद्वको कार्यहरुमा सहयोग गरिने बताएका छन् । माईति नेपालको २५ औ वार्षिकोत्सवको अवसरमा आयोजित मेचीमहाकाली जनचेतना अभियान समापन समारोहमा सम्बोधन गर्दै सभामुख श्रेष्ठले यस्तो बताएका हुन् । 
श्रेष्ठले देश संघीयतामा गईसकेको भन्दै अब आर्थिक समृद्वितर्फ सबैले ध्यान केन्द्रित गरे मानव बेचबिखन न्युनिकरण हुने बताईन् । माईति नेपालले आफ्नो स्थापना दिवसको अवसरमा हालसम्ममा आफुले ३६ हजार ४५ जना जोखिममा परेका महिला तथा बालबालिकाको उद्वार गरेको र १८ हजार ५५ जनालाई कानुनि सहयोग गरेको जनाएको छ । त्यस्तै २५ हजार ३ सय २० जना प्रभावितलाई  पूर्नस्थापना गरेको छ । हेटौँडाको भूटनदेवी स्कूल चौरबाट निकालिएको ¥याली बुद्धचोकमा पुगि समापन समारोहमा परिणत भएको थियो । 
¥यालीमा नेपाल स्काउट, नेपाल प्रहरी, विभिन्न संघसंस्था, महिला समूहको उपस्थिति थियो । बुद्ध चोकमा सम्पन्न समापन समारोह माईति नेपालका कार्यकारी निर्देशक विश्वराम खड्काको अध्यक्षता तथा ३ नम्बर प्रदेशका सभामुख श्रेष्ठको प्रमूख आतिथ्यमा भएको कार्यक्रममा प्रमुख जिल्ला अधिकारी चक्र बहादुर बुढा, महिला तथा बालबालिका कार्यालय हेटौँडाका प्रमूख विष्णुकुमारी लामिछाने, हेटौँडा उपमहानगरपालिका प्रमूख हरिबहादुर महत, जिल्ला समन्वय समिति मकवानपुरका उपप्रमुख भगवती पुडासैनी लगायतको उपस्थिति थियो । 
महिला तथा बालबालिका बेचविखनविरुद्ध सकृय रहदैँ आएको माईति नेपालले मेचीमहाकाली जनचेतना अभियान फागुन १० गतेबाट सुरु गरेको थियो । माईति नेपालको देशभरि २९ वटा जिल्लामा शाखा विस्तार भएको छ ।