अनेरास्ववियुको अध्यक्षमा सुजन कडरिया निर्वाचित

३० जेठ, हेटौंडा । नेकपा एमाले निकट विद्यार्थी अनेरास्ववियुको अध्यक्षमा सुजन कडरिया निर्वाचित भएका छन् । 
२४ औँ महाधिवेशन अन्तरगत नयाँ नेतृत्व चयनका लागि विद्युतीय मेसिनबाट भएको मतदानको  निर्वाचनको मत परिणाम अनुसार अध्यक्षमा सुजन कडरिया ७ मतले निर्वाचित भएका छन् । उनले ७३२ मत प्राप्त गर्दा उनका प्रतिस्पर्धी प्रकाश पौडेलले ७ सय २४ मत प्राप्त गरे । खुला उपाध्यक्षतर्फ विकास श्रेष्ठ र महिला तर्फ अञ्जना सिवाकोटी निर्वाचित भएका छन् ।
त्यस्तै, महासचिवमा दिपक धामी, उप महासचिवमा कमल जोशी र चार जना सचिवतर्फ आकाश घर्ती मगर, रचना सापकोटा, समिम बाबु खान र गोपाल नेपाल निर्वाचित भएका छन् ।
त्यस्तै केन्द्रीय आयोगतर्फ निर्वाचन आयोगको अध्यक्षमा जित प्रसाद सिटौला, उपाध्यक्षमा प्रविन गिरी र सचिवमा विशाल पराजुली विजयी भएका छन् । 
लेखा अयोग अध्यक्षमा अञ्जलि लम्साल, उपाध्यक्षमा समीक्षा ढकाल र सचिवमा गगनसिंह बस्नेत र अनुशासन आयोगको अध्यक्षमा सुमन घिमिरे, उपाध्यक्षमा आकाश गिरी र सचिवमा स्मृति अधिकारी विजयी भएका छन् । 
त्यस्तै, नीति योजना तथा अनुसन्धान आयोगको अध्यक्ष प्रकाश विष्ट, उपाध्यक्षमा योगेश बम र सचिवमा विष्णु पाण्डे विजयी भएका छन् ।