मकवानपुरमा ३ सय २३ प्रहरी परिचालन

File Photo

१७ फागुन, हेटौँडा । मकवानपुर प्रहरीले रंगको पर्व फागु पूर्णिमा अर्थातमा हुन सक्ने गलत क्रियाकलाप रोक्न विहिबार ३ सय २३ जना सुरक्षाकर्मी परिचालन गर्ने भएको छ । प्रहरीले अन्य दिनको तुलनामा बढि संख्यामा प्रहरीलाई चेकजाँच र गस्तिमा परिचालन गर्ने भएको हो । 
होलीका लागि विशेष सुरक्षा रणनीति तयार गर्दै प्रहरीले जिल्लाभर ३ सय २३ जना सुरक्षाकर्मी परिचालन गर्ने मकवानपुरका प्रहरी उपरीक्षक विकासराज खनालले बताए । उनले गस्तिमा सादा पोशाकमा समेत प्रहरी परिचालन गरिने भएको छ । होलीमा जबर्जस्ती रंग हाल्ने, लोला हान्ने, फोहर पानी छ्याप्ने, मोविल दल्ने लगायतका पर्वको मर्म विपरितका गतिविधि गर्नेलाई मकवानपुर प्रहरीले जरिवानादेखि जेलसम्मको कारवाही अघि बढाउने भएको छ । 
प्रहरीले २५ हजार रुपैयाँ जरिवाना देखि १ वर्ष जेल सजायसम्मको कारवाही अघि बढाउने जनाएको छ । प्रहरी उपरिक्षक खनालले नेपालीहरुले उत्सवको रुपमा मनाईने होलि पर्वमा पछिल्लो समय विकृति देखिएका कारण विशेष सुरक्षा योजना बनाईएको बताए । मादक पदार्थ एवम् लागूपदार्थ सेवन गरेर सवारीसाधन चलाउने, ईच्छा विपरित जबर्जस्ती रङ लगाउनेलाई कारबाहीको दायरामा ल्याउने उनको भनाई छ ।