हेटौँडा–६ मा दक्षिणकाली माई मन्दिर निर्माण

१७ फागुन, हेटौँडा । हेटौडा–६ पन्ध्र विगाहमा करिब ४ लाखको लागतमा दक्षिणकाली माइ मन्दिर निर्माण सम्पन्न भएको छ । दक्षिणकाली माई मन्दिर निर्माण उपभोक्ता समिति हेटौडा–६ रामनगर, पन्ध्र विगाहको सक्रियतामा मन्दिर निर्माण भएको हो । मन्दिर निर्माणको लागि हेटौडा उपमहानगर पालिका वडा नं ६ बाट रु ४० हजार नगद सहयोग प्राप्त भएको थियो भने बाँकी स्थानियबाट चन्दा सहयोग, श्रमदानबाट मन्दिर निर्माण सम्पन्न भएको दक्षिणकाली माई मन्दिर निर्माण उपभोक्ता समितिका अध्यक्ष श्याम कर्ण नगरकोटीले जानकारी दिए । मन्दिर निर्माण सम्पन्न भएसँगै होली पुर्णिमाको अवसर पारेर मन्दिरको उद्घाटन गरिएको छ । उद्घाटन कार्यक्रममा बोल्दै प्रमुख अतिथी ६ नं वडाका अध्यक्ष अर्जुन प्रसाद चौंलागाईले ४० हजारको आर्थिक सहयोगबाट ४ लाखको मन्दिर निर्माण गर्न सक्नु प्रसंशनीय कार्य भएको उल्लेख गरे । साथै आगामी दिनमा आफ्नो नितरन्तर सहयोग रहने प्रतिबद्धता समेत वडा अध्यक्ष चौलागाईको छ । दक्षिणकाली माई मन्दिर सेवा समितिका अध्यक्ष कृतिमान श्रेष्ठको सभाध्यक्षतामा भएको कार्यक्रममा ६ नं वडाका वडा सदस्य राजकुमार बास्तोला, रामहरी राई, विभिन्न राजनीतिक दलका प्रतिनिधि लगायत स्थानीयको उपस्थिती रहेको थियो ।