हेटौंडाको बजेट २ अर्ब ९० करोड ३ लाख १० हजार

१० असार, हेटौंडा। हेटौंडा उपमहानगरपालिकाले आर्थिक वर्ष २०८२/०८३ का लागि २ अर्ब ९० करोड ३ लाख १० हजारको बजेट ल्याएको छ। मंगलबार सम्पन्न १७ औ नगरसभाले  २ अर्ब ९० करोड ३ लाख १० हजारको बजेट विनियोजन गरेको हो।
हेटौंडाका उप प्रमुख राजेश बानियाँले खर्च व्यहोर्ने स्रोततर्फ संघीय सरकारबाट प्राप्त हुने अनुदान १ अर्ब १९ करोड ५० लाख, आन्तरिक स्रोतबाट ६२ करोड ७६ लाख ८० हजार, राजस्व बा“डफा“टबाट ९२ करोड ७० लाख ५५ हजार, प्रदेश सरकारबाट विभिन्न अनुदानबाट प्राप्त हुने ११ करोड, ४५ लाख ७५ हजार तथा नगर विकास कोषबाट ऋण ३ करोड ६० लाख रुपैया अनुमान गरिएको छ ।

उपमहानगरले नगरस्तरीय पूर्वाधार विकासतर्फ ६२ करोड ३९ लाख ४१ हजार, वडास्तरीय योजना तथा कार्यक्रमका लागि ३२ करोड २५ लाख ६२ हजार विनियोजन गरेको हो । त्यसैगरी उपप्रमुख बानियाँले आर्थिक विकासतर्फ ४ करोड ६९ लाख ७ हजार रुपैया“, शिक्षातर्फ ५ करोड ५१ लाख, स्वास्थ्यतर्फ २ करोड ७८ लाख, युवा तथा खेलकुद विकासतर्फ २ करोड ५५ लाख  विनियोजन गरिएको उल्लेख गरेका छन्। 
यता वन, वातावरण तथा विपद् व्यवस्थापनतर्फ ६ करोड ५० लाख २० हजार  तथा संस्थागत विकासतर्फ ६३ करोड ५४ लाख ९० हजार रुपैया“ विनियोजन गरिएको छ ।हेटौंडाले ल्याएको बजेट चालु आर्थिक वर्षको भन्दा करिब ७ करोड रुपैयाँ बढी हो ।