कर्मचारीका कारण काम गर्न समस्याः मुख्यमन्त्री पौडेल

१८ फागुन, हेटौँडा । प्रदेश नम्बर तीनका मुख्यमन्त्री डोरमणी पौडेलले कर्मचारी तन्त्र र पुराना कानुनका कारण समस्या भएको बताएका छन् । पौडेलले हालको प्रशासनिक संयन्त्र चित्तबुझ्दो नभएको गुनासो गरे । उनले प्राप्त गरेको राजनितिक परिवर्तन संस्थागत गर्न आफुहरुले जति स्पिडमा काम गर्न खोजे पनि पुराना कानुन र कर्मचारीको पुरातन प्रबृति बाधक भएको बताए । शुक्रबार विहान मकवानपुरको उद्योग वाणिज्य संघ, नारायणी यातायात व्यवसायी संघ र निर्माण व्यवसायी संघले संयुक्त रुपमा गरेको सम्मान कार्यक्रममा बोल्दै मुख्यमन्त्री पौडेलले राजनितिक परिवर्तन भएपनि कर्मचारी तन्त्रमा परिवर्तन नआएको गुनासो गरे । प्रदेशको समग्र विकासका लागी सबैको भूमिका उत्तिकै महत्वपूर्ण रहने बताउँदै मुख्यमन्त्री पौडेलले मिलेर काम गर्न आफु तयार रहेको बताए । कार्यक्रममा उद्योग पर्यटन तथा बन मन्त्री अरुण नेपालले राजनितिक क्रान्तिको चरण समाप्त भएको जिकिर गर्दै आर्थिक क्रान्ति गर्ने बेला आएको उल्लेख गरे । विगतमा अस्थाई सरकारका कारण विकासले फडको मार्न नसेको तर अबको स्थाई सरकारले आर्थिक विकासलाई गतिदिने उनेको दावी थियो । कार्यक्रममा नारायणी यातायात व्यवसायी संघका अध्यक्ष हिरालाल श्रेष्ठ, निर्माण व्यवसायी संघ मकवानपुरका बरिष्ठ उपाध्यक्ष बालकुमार मल्ल र मकवानपुर उधोग वाणिज्य संघका अध्यक्ष कृष्ण कटुवालले यातायात, निर्माण र उधोग तथा वाणिज्य क्षेत्रमा भएका समस्याहरुको समाधानका लागी पहल गर्न आग्रह गरेका थिए । मकवानपुर उधोग वाणिज्य संघका अध्यक्ष कटुवालको साभाध्यक्षतामा भएको कार्यक्रममा प्रदेश नम्बर तीनका समाभुख सानुकुमार श्रेष्ठ, प्रतिनिधि सभा सदस्य कृष्ण दाहाल, राष्ट्रिय सभाका सदस्य रामचन्द्र राई तथा मकवानपुरका प्रदेश सांसद मुनु सिग्देल, कुमारी मोक्तान, प्रेमबहादुर पुलामी लगाएतलाई स्वागत तथा सम्मान गरिएको थियो ।